"გენტის" მწვრთნელი ჰეინ ვანჰაზებრუკი ტრავმამორჩენილი გიორგი ჩაკვეტაძის პროგრესით კმაყოფილია, "რიგას FS"-სთან კონფერენს ლიგის მესამე საკვალიფიკაციო ეტაპის განმეორებით მატჩში (1:0) 63-ე წუთზე შეუშვა შეცვლაზე, დღეს ბელგიის ჩემპიონატის მე-4 ტურში "მეხელენთნ" საშინაო შეხვედრაში კი 76-ეზე.
მასპინძლები პირველ ტაიმში დაწინაურდნენ და მწვრთნელმა ჩვენებური თავდამსხმელ მალედეს ნაცვლად შეუშვა მოედანზე. სტუმრები ანგარიშის გათანაბრებას ცდილობდნენ, წინ დიდი ძალებით წავიდნენ და ამით მასპინძლებმა ისარგებლეს - 90+2-ე წუთზე ჩაკვეტაძემ მეკარე ბოლატისგან პასი მიიღო, სწრაფი კონტრშეტევა წამოიწყო, თავადაც შეეძლო გატანა, მაგრამ უკეთეს პოზიციაში მყოფ ნურიო ფორტუნას საგოლე გადაცემა გაუკეთა.
"გენტმა" 2:0 გაიმარჯვა, 4 ქულით მე-13 ადგილზეა და კონფერენს ლიგის პლეი-ოფში "რაკუვთან" დაპირისპირებები ელის - 19 აგვისტოს პოლონეთში, 26 აგვისტოს კი სახლში.
![alt](/pictures/image50/dd4100ce5aa483f4ae1f23c0f3bc1d7a.png "ჩაკვეტაძე ამოქმედდა - საგოლე პასი "მეხელენთან"")
"კვარა", "ჩაკვე", "ჟორჟი" - შედეგიან კვირას ველით
![ჩაკვეტაძის საგოლე გადაცემა, ბაიოს პოკერი და "უოტფორდის" შესანიშნავი გამარჯვება შეფილდში [VIDEO]](/pictures/image7/8cba2da339929885c5d68cc5183c3bf3.jpg "ჩაკვეტაძის საგოლე გადაცემა, ბაიოს პოკერი და \"უოტფორდის\" შესანიშნავი გამარჯვება შეფილდში [VIDEO]")
![ჩაკვეტაძის "უოტფორდმა" ორი წაგების შემდეგ გაიმარჯვა [VIDEO]](/pictures/image7/cd14f87308870619ad818195b605b3fb.jpg "ჩაკვეტაძის \"უოტფორდმა\" ორი წაგების შემდეგ გაიმარჯვა [VIDEO]")
