კაშია და კანკავა ჯგუფურ ეტაპთან ახლოს - ვაისს "ოლიმპიაკოსი" არ აშინებს

AutoSharing Option
დღეს, 19 აგვისტოს, ევროპა ლიგის პლეი-ოფის პირველ მატჩში, გურამ კაშიასა და ჯაბა კანკავას "სლოვანი"  საბერძნეთის ჩენპიონ "ოლიმპიაკოსს" ეწვევა. მატჩის წინ სლოვაკთა მთავარმა მწვრთნელმა ვლადიმირ ვაისმა პრესკონფერენცია გამართა:

"მოხარული ვარ, რომ "ოლიმპიაკოსის" წინააღმდეგ ვთამაშობთ. ეს დიდი კლუბია და გვსურს, ღირსეული წინააღმდეგობა გავუწიოთ. ჩვენ პატივს ვცემთ მათ ისტორიას, მაგრამ არ გვეშინია და სასურველი შედეგისთვის ბოლომდე ვიბრძოლებთ. მეტოქისთვის სახიფათო უნდა ვიყოთ, სხვაგვარად წარმატება გაგვიჭირდება".

სლოვაკური მედია დაინტერესდა, როგორ უნდა დაამარცხოს "სლოვანმა" გუნდი, რომელიც უეფას საკლუბო რეიტინგში 37-ე ადგილს იკავებს, რაზეც ვაისი პასუხობს:

"მხოლოდ
თავის დაცვაზე არ უნდა ვიფიქროთ, აქტიურად შეტევაა საჭირო! ბერძნებს ზეწოლა აუცილებლად ექნებათ, მიუხედავად იმისა, თუ რა განლაგებას აირჩევენ. მათ ჰყავთ შესანიშნავი ფეხბურთელები - ელ არაბი, ვალბუენა, კამარა თუ სოკრატისი, რომელიც ლონდონის "არსენალში" გამოდიოდა. ჩვენ მოვედით კარგი თამაშის, ბრძოლისუნარიანობისა და აზრიანი ფეხბურთის საჩვენებლად".

საინტერესოა, რომ ვლადიმირ ვაისი-უმცროსი, რომელიც ახლა "სლოვანის" ღირსებას იცავს, "ოლიმპიაკოსშიც" გამოდიოდა.

შეგახსენებთ, ორივე გუნდმა ევროტურნირები ჩემპიონთა ლიგის საკვალიფიკაციო ეტაპით დაიწყო, სლოვაკეთის ჩემპიონი "იანგ ბოისმა", "ოლიმპიაკოსი" კი "ლუდოგორეცმა" გამოთიშა. ამის შემდეგ ბრატისლაველებმა ევროპა ლიგაზე გიბრალტარის "ლინკოლნი" დაამარცხეს. წყვილში გამარჯვებული ევროპა ლიგის, დამარცხებული კი კონფერენს ლიგის ჯგუფურ ეტაპზე იასპარეზებს.

altვაისი: მეკარემ სულელური შეცდომა დაუშვა, გაძევებულ დე მარკოს დავსჯი

altვაისი უეფას ახალ წესს უფრთხის


მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული