"ისინი გიორგის სახელს სკანდირებდნენ და არც ტაშის დაკვრას ერიდებოდნენ..." - მამარდაშვილს ესპანური მედია ისევ აქებს

გიორგი მამარდაშვილის თამაშით აღფრთოვანებული ესპანური მედია მასზე ისევ აქტიურად წერს.

"ქართველი კიპერი "მესტალიაზე" გამოჩენის შემდეგ შეუმჩნეველი არავის დარჩენია. მისმა თამაშმა "ვალენსიას" გულშემატკივრებში სიგიჟე გამოიწვია და ის ახალ გმირად იქცა.

ზაფხულის საუკეთესო ტრანსფერი, რომელიც "ვალენსიამ" როგორც სპორტული, ასევე ეკონომიკური მიმართულებით განახორციელა, მამარდაშვილის გადაბირება იყო. 

გასაკვირია, რომ ქართველი მეკარე ძალიან მაღალ დონეზე თამაშობს და სილესენს სერიოზულ კონკურენციას უწევს. ნიდერლანდელი კიპერის მომავალი კიდევ უფრო გაურკვეველია - მიუხედავად იმისა, რომ ბორდალის თავდაპირველი არჩევანი სწორედ მასზე დაყრდნობა იყო.

მამარდაშვილის გამოჩენამ შესაძლოა, სიტუაცია მნიშვნელოვნად შეცვალოს. გიორგის თამაშმა ყოველგვარ მოლოდინს გადააჭარბა. "ალავესის" წინააღმდეგ მას ტურის ერთ-ერთი საუკეთესო სეივი ჰქონდა.

მესამე ტურში, საჯარიმო დარტყმის შემდეგ, მამარდაშვილმა საოცარი თავური დარტყმა მოიგერია. ქართველი მეკარის ფრენით ღრუბლები მოიფშვნიტა, "მესტალიაზე" შეკრებილი გულშემატკივრები კი სიგიჟემ მოიცვა - ისინი გიორგის სახელს სკანდირებდნენ და არც ტაშის დაკვრას ერიდებოდნენ.

სანაკრებო პაუზის შემდეგ ბორდალასმა მეკარის საკითხი ხელახლა უნდა გადაწყვიტოს. გიორგი იმსახურებს, რომ ისევ ძირითად შემადგენლობაში ითამაშოს.

მამარდაშვილს საქართველოს ნაკრებთან ერთად ესპანელთა წინააღმდეგ თამაში მოუწევს და შეუძლია თავი მსოფლიოს გააცნოს. მას ესპანეთი უკვე იცნობს!"


მომზადებულია Eldesmarques-ის მიხედვით