ბელგიის ჩემპიონატის მე-8 ტურში "გენტი" გასვლაზე 0:1 დამარცხდა "კორტრეიკთან".
მასპინძლები მე-9 წუთზე დაწინაურდნენ, რის შემდეგაც სტუმრები განუწყვეტლივ უტევდნენ, მაგრამ მოწოდების სიმაღლეზე იდგა მეკარე მარკო ილიჩი.
"გენტის" ნახევარმცველმა რომან ბეზუსმა 48-ე წუთზე პენალტი ვერ გამოიყენა, თამაში მის ნაცვლად 63-ე წუთზე შეცვლაზე შესულმა გიორგი ჩაკვეტაძემ გაამწვავა, მე-80 წუთზე ტარიკ ტისუდალიმ ანგარიში გაათანაბრა, თუმცა გოლი თამაშგარეს გამო არ ჩაუთვლეს, 86-ეზე კი ჩაკვეტაძემ შორიდან ძლიერად დაარტყა და "კორტრეიკი" ისევ ილიჩმა იხსნა.
"გენტი" 7 ქულით მე-16 ადგილზეა (1 შეხვედრით ნაკლები აქვს ჩატარებული) და 23 სექტემბერს
სტუმრად "ანდერლეხტს" დაუპირისპირდება.
![alt](/pictures/image50/3aca64190af1f72ab8422f4ed1048e1b.jpg "შეცვლაზე შესულმა ჩაკვეტაძემ "გენტი" მარცხისგან ვერ იხსნა")
ჩაკვეტაძე თავის შანსსა და მეტ ნდობას ელის!
