ჩაკვეტაძის 66 წუთი და "გენტის" ფრე "ანდერლეხტთან" [VIDEO]

AutoSharing Option
AUTO PLAY
26 ივლისის შემდეგ პირველად დააყენა "გენტის" მწვრთნელმა ჰეინ ვანჰაზებრუკმა გიორგი ჩაკვეტაძე ძირითად შემადგენლობაში (ოფიციალურ მატჩში ბოლოს 1 წლის წინ იყო სასტარტოში), თანაც ბრიუსელში "ანდერლეხტთან" ბელგიის ჟუპილერ ლიგის მე-8 ტურის რთულ შეხვედრაში და თავის წარმოჩენის შანსი მისცა.

ჩაკვეტაძე აქტიური იყო, 28-ე წუთზე მეტოქე გუნდის მცველ მურილიოს ადვილად გასცდა და მეურვემ წესების დარღვევით შეაჩერა, რისთვისაც ყვითელი ბარათი მიიღო. 39-ე წუთზე სტუმრები კასტრო-მონტესმა დააწინაურა, 59-ეზე კი რაფაელოვმა პენალტით ანგარიში გაათანაბრა და შეხვედრა 1:1 დასრულდა.

გიორგი 66-ე წუთზე თავდამსხმელმა ტისუდალიმ შეცვალა. ქართველმა ნახევარმცველმა მიმდინარე
ჩემპიონატზე მეოთხე მატჩში მიიღო მონაწილეობა.

"გენტი" 8 ქულით მე-14 ადგილზეა და 26 სექტემბერს "სერკლ ბრიუგეს" უმასპინძლებს.

მკითხველის კომენტარები / 8 /
წარმატებებს ვუსურვებ ჩაკვეს მისთვის ახლა მთავარია ხშირი სათამაშო პრაქტიკა რომ ნელ ნელა აღიდგინოს ფორმა კარგად მიდის ეს პროცესი და იმედი მაქვს რომ 1-2 თვეში გიორგი საბოლოდ დაიბრუნებს იმ ფორმას რა ფორმაშიც და კონდიციებშიც ის გვახსოვს ყველაფერი გიორგიზეა დამოკიდებული თუ ვარჯისშს შრომას და მონდომებას არ დააკლებს ყველაფერი მოვა.
გელა
01:41 24-09-2021
0
ჯერ შორსაა ფორმიდან რაც გასაკვირი არაა. მთავარი ისაა რომ ამ პირობებშიც ეტყობა რომ თავისი დონის დაბრუნება მხოლოდ დროის საკითხია მთავარია ბევრი ითამაშოს და რაც ყველაზე მნიშვნელოვანია აღარ დაიტრამვოს. პირველ ტაიმში უკეთესი იყო, მერე დაღლა დაეტყო ფიზიკურადაც ჯერ ბოლომდე არ არის მზად.
არტ
01:33 24-09-2021
1

სიახლეები პოპულარული