"გენტის" ნახევარმცველი გიორგი ჩაკვეტაძე "ანორთოსისთან" კონფერენს ლიგის ჯგუფური ეტაპის მეორე ტურის მატჩში მონაწილეობას ვერ მიიღებს. ამის შესახებ ბელგიური გუნდის მწვრთნელმა ჰეინ ვანჰაზებრუკმა განაცხადა:
"გიორგის ბარძაყის პრობლემა აქვს და ხვალ ჩვენთან ერთად არ იქნება. თავიდან ეს სერიოზულად არ მოჩანდა და გიორგიმ გუნდთან ერთად ივარჯიშა კიდეც, მაგრამ დღეს ძალიან გაუჭირდა და ამიტომ განაცხადში არ არის. მომავალი რამდენიმე დღის განმავლობაში დავაკვირდებით და ვნახავთ, მომჯობინდება თუ არა კვირისთვის".
შემდეგ შეხვედრას "გენტი" ჟუპილერ ლიგაზე 3 ოქტომბერს სტუმრად "ანტვერპენთან" ჩაატარებს.
მის მიმართ გულშემატკივარი ბევრად უფრო დადებითადაა განწყობილი, არსად შემხვედრია ტრავმა მოიგონა და ნაკრებს არ ეხმარებაო, კვარაცხელიას კი ატარებენ წნეხში და ბიჭს თავის მართლება დააწყებინეს მართლა ტრავმა მივიღეო.
ერთი თამაში დარჩა სანაკრებომდე და იმედია არ გაიტრავმებიან კიდე.
დიდად არც უტრავმობის ჟამს მაქვს ნაკრების იმედი მარა მაინც...
იმას მაინც აღარ დავიწყებთ, ეს რომ გვყოლოდა ის რომ გვყოლოდა...