საფეხბურთო აგენტმა თემურ ღურწკაიამ "იუთუბის" არხ "კომენტ შოუში" განაცხადა, რომ "რუბინმა" შეცდომა დაუშვა, როდესაც ნახევარმცველი ხვიჩა კვარაცხელია "აიაქსს" არ მიჰყიდა:
- ხვიჩა არავის მიჰყავს. მისი ფასი გეგმაზომიერად ეცემა. ისინი 20 მილიონ ევროს ითხოვდნენ, ვინაიდან გაზაფხულზე ბრწყინავდა. მაშინ ყველანი ყვიროდნენ, რომ ნებისმიერი ინგლისური კლუბი შეიძენდა, იმის გათვალისწინებით, რომ ისინი 30-40 მილიონს მარცხნივ და მარჯვნივ ისვრიან, მაგრამ ფაქტია, არავინ აიყვანა. ახლა ის ცუდად თამაშობს. მხოლოდ თუ მაგრად ითამაშებს და საქართველოს ნაკრებში რაიმე სასწაულს მოახდენს, ფასის ვარდნა შეჩერდება. ამჟამად მასში 10-12 მილიონზე მეტს
არავინ მისცემს.
- რატომ არ მიჰყიდეს "აიაქსს"? ხომ იყო კონკრეტული წინადადება: ისინი 12 მილიონს იხდიდნენ, პლუს 20%-ს შემდეგი გაყიდვიდან...
- მაისში კვარაცხელია რუსეთის პრემიერლიგაში ბრწყინავდა. შემდეგ ნაკრებში ჩატარებულმა მისმა მატჩებმა ყველა აღაფრთოვანა - ესპანეთსა და საბერძნეთს გაუტანა. აი, "რუბინში" მოიფიქრეს, რომ 20 მილიონი ღირს. ვიღაცამ დაარწმუნა, 12 მილიონად არ დაეთმოთ. მალე გამოჩნდება ინგლისი, რომელიც ევროპის ჩემპიონატის შემდეგ გაიღვიძებს და მათ ფულით ამოავსებსო. თუმცა, ეს არ მოხდა.
ცნობისათვის, ადრე ღურწკაია ამტკიცებდა, რომ მალე ხვიჩას ფასი 25 მილიონი იქნებოდა.
კვარაცხელია ტოპ-კლუბისთვის მზად არ არის და "რუბინში" დარჩენა ურჩევნია" - აგენტი მიზეზს განმარტავს 
ღურწკაია: "რუბინმა" ხვიჩა 18 მილიონად არ გაყიდა, რადგან მალე 25 მილიონი ეღირება
ღურწკაია: "ლოკომოტივს" 15 მილიონად ხვიჩას დაბრუნება არ უღირს
