შაბათს, 16 ოქტომბერს, ბელგიის ჩემპიონატის მე-11 ტურში, მესამეადგილოსანი "როიალ უნიონი" გიორგი მიქაუტაძის "სერენს" უმასპინძლებს. ეს შეხვედრა ბელგიური მედიის ყურადღებას იმსახურებს.dhnet-ი ქართველი ფორვარდის გუნდზე წერს:
"სერენი" ძალიან ამბიციური გახდა და სამოყვარულო ლიგიდან ჟუპილერ ლიგაში გადავიდა. კლუბის პრეზიდენტი მარკ გროსჯიანი ამბობს:
"ჩვენ გვსურდა, რაღაც განსაკუთრებული გაგვეკეთებინა და კლუბი ელიტაში აგვეყვანა. რასაც მივაღწიეთ, წარმოუდგენელი გვეგონა".
მიქაუტაძემ საბერძნეთის ნაკრებთან დაპირისპირებაში ტრავმა მიიღო და გუნდს ნაადრევად დაუბრუნდა. როგორც კლუბის ოფიციალური გვერდიდან ვიგებთ, ქართველმა ფორვარდმა ვარჯიში უკვე განაახლა. როგორც ჩანს, მისი ტრავმა სერიოზული არ აღმოჩნდა.
რაც შეეხება "უნიონს" - მოგეხსენებათ, გასული სეზონი მათაც ბელგიის პირველ დივიზიონში გაატარეს. ბომბარდირობისთვის "ჟორჟის" მთავარ კონკურენტ (შეგახსენებთ, თანაბარი რაოდენობის გოლები გაიტანეს) დანტე ვანზიეს კი ჟუპილერ ლიგაში უკვე 7 გოლი და სამი შედეგიანი პასი აქვს.
ბრიუსელში გასამართი დაპირისპირება ჩვენი დროით 18:15 საათზე დაიწყება.
კოსოვოსთან ნაკრებს მიქაუტაძეც ვერ დაეხმარება
მიქაუტაძე სიტყვის კაცია - ჰეთ-თრიკი შეასრულა და "ზულტე ვარეგემი" გაანადგურეს! [VIDEO]
!["რამდენად მიყვარს საქართველო?" - გიორგი მიქატაუძის პასუხი, რომელიც ყველამ უნდა ნახოთ [VIDEO]](/pictures/image7/36b981a7c4376b11433ac51c28c7a0f7.jpg "\"რამდენად მიყვარს საქართველო?\" - გიორგი მიქატაუძის პასუხი, რომელიც ყველამ უნდა ნახოთ [VIDEO]")
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
