ბელგიის ჟუპილერ ლიგის მე-12 ტურში „სერენი“ საკუთარ მოედანზე „შარლერუასთან“ 1:3 დამარცხდა.
აღსანიშნავია, რომ მეორე ტაიმში მოედანზე პეტარდები ისროლეს და მატჩი გარკვეული დროით შეჩერდა.
მასპინძელთა თავდამსხმელმა გიორგი მიქაუტაძემ შეუცვლელად ითამაშა, მაგრამ ამჯერად თავი ვერაფრით გამოიჩინა. მან ორი მომენტი შექმნა - 45-ე წუთზე გიორგის განივი გადაცემა პარტნიორებმა ვერ გამოიყენეს, ხოლო 71-ე წუთზე ხელსაყრელი პოზიციიდან ვერ გაიტანა. Nieuwsblad-ი მატჩის რეპორტაჟში აღნიშნავს, რომ ქართველი კარგ ფორმაშია. მის ანგარიშზე ჩემპიონატის 6 შეხვედრაში 5 გოლია და ამას გარდა, თასზე 3 გოლი გაიტანა.
„სერენმა“ ზედიზედ მეორე მარცხი იწვნია,
12 ქულით მე-15 ადგილზეა და 30 ოქტომბერს, მე-13 ტურში გასვლაზე „ბეერსხოტს“ დაუპირისპირდება, იქამდე კი 27 ოქტომბერს თასზე „სენტ-ტრუიდენს“ უმასპინძლებს.
მიქაუტაძე გატანას ისევ შეეცდება - "სერენი" ტურს გახსნის
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
![დავითაშვილი "სენტ ეტიენიდან" საუკეთესო იყო - "რონის დერბიში" მიქაუტაძის "ლიონმა" გაიმარჯვა [VIDEO]](/pictures/image7/3648f8518e853edeb3f5ff0d4405d123.jpg "დავითაშვილი \"სენტ ეტიენიდან\" საუკეთესო იყო - \"რონის დერბიში\" მიქაუტაძის \"ლიონმა\" გაიმარჯვა [VIDEO]")
