AS: მამარდაშვილის ტრანსფერის გასაჩარხად "დინამოში" დარეკვაღა დარჩა

AutoSharing Option
AS-მა "ვალენსიასა" და საქართველოს ნაკრების მეკარის, გიორგი მამარდაშვილის შესახებ წერილი გამოაქვეყნა:

მამარდაშვილი ისევ იღიმის
"მამარდაშვილი საქართველოს ნაკრებში უნდა გამოეძახათ, მაგრამ იქ უფრო სათადარიგოობა მოუწევდა და 21-წლამდელებში უხმეს, სადაც ორი თვის უთამაშებელს ასპარეზობის საშუალება მიეცა.

ლა ლიგის სტარტზე სულ რაღაც 6 მატჩში გიორგი მთელი ესპანეთისთვის ცნობილი გახდა და აჩვენა, რომ დონით პრიმერას გოლკიპერია და არა მეორე გუნდისა, სადაც თავიდან გამწესებას უპირებდნენ. თუმცა შემდეგ სილესენის დუბლიორი შეიქნა და დაინახა, რომ მისი როლი ნაკლებად მნიშვნელოვანია; ახლა კი ისევ გაიღიმა. 

მამარდაშვილმა თავისი ქვეყნის ახალგაზრდული
ნაკრების შემადგენლობაში ინგლისელ თანატოლებთან ამხანაგურ მატჩში მიიღო მონაწილეობა, რომელშიც ქართველებმა 3:2 იმარჯვეს. მან 90 წუთი ითამაშა და გამარჯვება მაღალ დონეზე აღნიშნეს, რამეთუ მათთვის ინგლისელთა ძლევა მიზანი იყო და ეს სპარინგზე მეტი გახლდათ.

გიორგის მომავალი უახლოეს ხანში გახდება ცნობილი. "ვალენსიას" კონტრაქტის 1-ელ იანვრამდე 250 ათას ევროდ გამოსყიდვა შეუძლია. რამდენიმე კვირის წინ ფეხბურთელის აგენტები კლუბში იყვნენ და მათ უთხრეს, რომ ტრანსფერის განხორციელებას იჩქარებენ. მას შემდეგ არაფერი ისმის და საკითხის ოფიციალურად მოსაგვარებლად მხოლოდ ყურმილის აღება და თბილისის "დინამოში" დარეკვაღა რჩება".

მკითხველის კომენტარები / 4 /
მამარდამ ინგლისთან ისეთი ბურთები აკრიფა,ვალენსიაშიც ფეხზე ამდგარი დაუკრავდნენ ტაშს.თუმცა ვალებში ჩამხრჩვალ კლუბში გადასვლას,მერე გადაუხდელ ხელფასებზე გაუთავებელი დევნა და გუნდის დაბალ ლიგაში გავარდნა მოსდევს ხოლმე.კლუბს საუკეთესო ფეხბურთელების გაყიდვა მოუწევს და საეჭვოა ეგ მაინც ეყოს,ვალის გასასტუმრებლად.მთელი ძირითადი შემადგენლობის გაყიდვა მოუწევთ და შესაძლოა არც ეყოთ,მერე კი ბრძოლა არსებობისათვის.
სოსო
19 ნოემბერი 2021 20:11
0
სილესენს აშკარად ჯობია 25000იანი მამარდაშვილი. სასწაულია.
sddd
19 ნოემბერი 2021 17:32
1
დღეს წავიკითხე ესპანურ მედიაში რომ "ვალენსიას" 400 მილიონი ევრო აქვს ვალები. 19 დეკემბერს აქციონერთა კრებას გამოცხადებული,სადაც კლუბის პრეზიდენტი,სინგაპურელი ლიმა, აპირებს 39 მილიონი კრედიტის ჩამოწერით( რომელიც შარშან ასესხა კლუბს),გაზარდოს საკუთარი წილი.მარტო წელს კლუბი არის 49 მილიონის ზარალზე.
არ ვიცი, მაგრამ ნაკლებად მჯერა რომ 4 მეკარის მფლობელი კლუბი კიდევ დამატებითად ეძებდეს მე5 გოლკიპერს, როცა კლუბს ( მისი შესაძლებლობიდან გამომდინარე) ამოდენა ვალები გააჩნია.
Simartle
19 ნოემბერი 2021 02:56
6
ხოდა გაყიდონ 30 მილიონიანი სილესენი და დაიტოვონ გიო. 2021-ის მუნუსს დიდწილად დააკომპენსირებენ.
Miriani
19 ნოემბერი 2021 15:57
0

სიახლეები პოპულარული