"ყველაზე დიდი ვარდნა კვარაცხელიას თამაშში შეიმჩნევა" - Instat-ის მაჩვენებლები

ანალიტიკურმა პლატფორმა Instat-მა რუსეთის პრემიერლიგის პირველი ნახევრის ანგარიში გამოაქვეყნა. მისი დახმარებით, ყაზანის "რუბინის" დეტალური შესწავლა შეგვიძლია. მათ ჩემპიონატში მე-10 ადგილი უკავიათ.

დავიწყოთ თამაშგარე მდგომარეობებით - ყაზანელები ოფსაიდში სეზონში ყველაზე ნაკლებად ხვდებიან. ამის მთავარი მიზეზი ის მოდელია, რომლითაც გუნდი ასპარეზობს - ზურგს უკან პასები, ფაქტობრივად, არ აქვთ.

კიდევ ერთი მაჩვენებელი - კუთხურები. მატჩში საშუალოდ 3.6-ით ყაზანელები ამ კომპონენტშიც უკანასკნელ პოზიციაზე არიან. კუთხურის შემდეგ მათ სულ ორჯერ გაიტანეს.

ლეონიდ სლუცკის გუნდმა პასების საშუალო სიგრძე გაზარდა - 19.2მ. შედარებისთვის, "ზენიტისთვის" ეს მაჩვენებელი 17.8 მ-ია. რას ნიშნავს ეს? ყაზანელები წარმატების მიღწევას შორეული პასებით ცდილობენ, რაც არ ამართლებს - სიზუსტე მხოლოდ 60 %-ია.

რაც შეეხება წარმატებებს - "რუბინი" ლიდერთა შორისაა ორთაბრძოლებში გამარჯვების მხრივ როგორც შეტევაში, ასევე დაცვაში. ყაზანელები დარტყმების სტატისტიკაშიც ლიდერობენ - შეხვედრაში საშუალოდ 33 ცდა, საიდანაც 19 ზუსტია.

სლუცკის გუნდს ყველაზე ხშირად 3-45 და 75-90 წუთების ინტერვალში გააქვს. რას მიანიშნებს ეს? - ფიზიკურად კარგად არიან მომზადებულნი, თუმცა აღსანიშნავია, რომ ყაზანელები საკუთარ კარში გოლებს ადრე (15-10 წუთებში) იღებენ და შემდეგ თამაშის გადარჩენა სჭირდებათ.

გასულ სეზონთან შედარებით, გუნდს პროგრესი აქვს სტანდარტულებიდან გოლის გაშვების მხრივ - ჯერჯერობით მხოლოდ 8 და აქედან 3 თერთმეტმეტრიანი დარტყმიდან.


ყველაზე დიდი ვარდნა ხვიჩა კვარაცხელიას თამაშში შეიმჩნევა. გასულ სეზონში მან 4 გოლი გაიტანა და ამდენივე საგოლე პასი გააკეთა, ახლა კი მხოლოდ 1 გოლი და 2 პასი აქვს. თუკი ქართველი გარემარბი საჯარიმოში 3.5 შედეგიან პასს აკეთებდა, ახლა ეს მაჩვენებელი 2.8 გახდა. გარდა ამისა, ხვიჩაზე უფრო იშვიათად ჯარიმდებიან - 44-დან 26-მდე დაეცა.

პრემიერლიგის მთავარი დრიბლიორი კვარაცხელია აღარაა - წოდება მას ცსკა-ს 23 წლის ნიგერიელმა შემტევმა ჩიდერე ეჯუკემ ჩამოართვა. ქართველის წარმატებული დარტყმების პროცენტი ცოტათი გაიზარდა - 53-დან 55%-მდე.

მომზადებულია Business-gazeta-ს მიხედვით

კვარაცხელიასთან ერთად "რუბინში" სათამაშოდ ძიუბას ხელფასის შემცირებაზე დათანხმება მოუწევს

eurofootballrumours.com: "ვესტ ჰემი" კვარაცხელიას ტრანსფერში 13 მილიონის გადასახდელად მზადაა

ხვიჩა კვარაცხელიამ ტრანსფერზე, რუსი ჟურნალისტების კრიტიკასა და სლუცკისთან ინციდენტზე ისაუბრა