ხვიჩა საქმეს შეუდგა - სლუცკიმ კომენტარი გააკეთა

AutoSharing Option
"რუბინმა" მეორე თურქული შეკრება დაიწყო და კლუბის საიტთან ხვიჩა კვარაცხელიას მდგომარეობის შესახებ კომენტარი ლეონიდ სლუცკიმ გააკეთა:

"სეზონისთვის სამზადისს ვაგრძელებთ. კარგ გუნდებთან სამ ამხანაგურ შეხვედრას ჩავატარებთ. ნელ-ნელა გვიბრუნდებიან ფეხბურთელები, რომლებმაც პირველი შეკრება გამოტოვეს. ნაყოფიერად მუშაობას ვგეგმავთ.

როდის დაბრუნდებიან სამოშნიკოვი, კვარაცხელია და აბილდგორი საერთო ჯგუფში? ისინი მეორე შეკრებაზე იქნებიან. კვარაცხელია და სამოშნიკოვი უკვე ფიზიკური მომზადების მწვრთნელთან და ფიზიოთერაპევტებთან ერთად მოედანზე მუშაობენ. ჩვენ უბრალოდ მათ ფიზიკური მომზადებით საერთო ჯგუფთან მივიყვანთ. აბილდგორი სირბილს ამ კვირაში დაიწყებს".

"რუბინი" 2 თებერვალს "სოჭის", 5 თებერვალს "ხიმკის", 8
თებერვალს კი ბათუმის "დინამოს" შეხვდება.


მკითხველის კომენტარები / 8 /
ვარჯიშებზე იშვითად ჩანს ბოლო დროს, როცა ჩანს სულ ცხვირჩამოშვებული და მოწყენილია. ადრე სულ მხიარული იყო და რუბინის ინსტაგრამ გვერდი სულ მისი ფოტოებით და ვიდეოებით იყო აჭრელებული. მახსოვს აქ უკმაყოფილებასაც კი გამოთქვამდით მისი მხიარული ვიდეოები რომ იდებოდა, აუზში გადახტომები და ასე შემდეგ...
ახლა დრეიერს დასდევს გვერდის ადმინი კუდში, როგორც ხვიჩას დასდევდა და ყველა ნაბიჯს უღებდა.
რაღაც შეიცვალა, შეუიარაღებელი თვალითაც ჩანს, რომ ბედნიერი აღარაა რუბინში.
0
ტრავმა არ ჰქონია, ნოემბერში რომ გადატვირთულად ითამაშა ამის გამო თებერვალში რატომ ასვენებს და ინდივიდუალურად ავარჯიშებს ვერ მივხვდი.
ახლა დაიწყო სრული დატვირთვით მაგრამ მომდევნო ამხანაგურებში იქნება თუ არა არავინ იცის.
1

myquiz

ასევე დაგაინტერესებთ
სიახლეები პოპულარული