ესპანეთის ლა ლიგის 25-ე ტურში „ვალენსია“ საკუთარ მოედანზე „ბარსელონასთან“ 1:4 დამარცხდა.
გუნდებს შორის კლასში სხვაობა ძალიან დიდი იყო და მიუხედავად ოთხი გოლის გაშვებისა, "ღამურების" მეკარე გიორგი მამარდაშვილის მარცხში დადანაშაულება არასწორი იქნება.
მასპინძლებს ანგარიშის გახსნა დებიუტშივე შეეძლოთ, მაგრამ ხილის დარტყმული ბურთი ხარიხას მოხვდა. შემდეგ სტუმრები გააქტიურდნენ, ობამეიანგმა კარგი შანსი ვერ გამოიყენა, 23-ე წუთზე კი მან ალბას პასი მიიღო და მამარდაშვილის კარის ცხრიანში გაიტანა გოლი. „ვალენსიამ“ მალე გაიტანა, თუმცა გაიაზე თამაშგარე დაფიქსირდა და გოლი არ ჩაითვალა. 32-ე წუთზე დემბელეს ჩაწოდებული ბურთი ფ. დე იონგმა გაიტანა, ხოლო შემდეგ ობამეიანგმა დუბლი შეასრულა. 41-ე წუთზე უკვე სოლერის გატანილი არ ჩათვალა არბიტრმა, რადგან იქამდე გაიას ბურთი ხაზს იქით გაექცა.
შესვენების შემდეგ გავის მეოთხე გოლის გატანა გიორგიმ არ დაანება, 52-ე წუთზე სოლერმა ანგარიში შეამცირა, თუმცა 63-ეზე პედრიმ ქართველის კარი დალაშქრა. 78-ე წუთზე ობამეიანგი მამარდაშვილთან პირისპირ გავიდა, მაგრამ ჰეთ-თრიკის შესრულება ვერ შეძლო.
„ვალენსია“ 30 ქულით მე-12 ადგილზეა და 26 თებერვალს გასვლაზე „მალიორკას“ დაუპირისპირდება.
ვალენსია. „მესტალია“. 38 315 მაყურებელი
ვალენსია - ბარსელონა 1:4
გოლები: 0:1 ობამეიანგი (23), 0:2 ფ. დე იონგი (32), 0:3 ობამეიანგი (38), 1:3 სოლერი (52), 1:4 პედრი (63)
![alt](/pictures/image50/d41a408649f89e70cdb74a0f1e5d82b2.jpg "მამარდაშვილის "ვალენსია" "ბარსელონასთან" განადგურდა")
დღის მატჩი! მამარდაშვილი "ბარსელონას" წინააღმდეგ
ჩემი შეფასებით ტრაგედია არაა და შემდეგ ტურშიც სასტარტოში ველოდები.
რა თა უნდა მოსამატებელი აქვს,მაგრამ ახლა ხო სწავლობს და უმატებს-იმ სილესენმაც ხო როდისღაც ისწავლა.
ომდევნო სეზონში ბევრად ძლიერი მეკარე იქნება და დროა ლორიაც ჯაბას გზას გაუყვეს.
ჩენს სიას ლორიას დავუმატებ-
ლორია,ჩაბრაძე,აბურჯანია,კვეკვე,ყაზაიშვილი,ოქრიაშვილი,ჯანო,ქვილითაია,კაჭარავა,ელგუჯა ლობჟანიძე- ამ ხალხის ხილვას არ ვისურვებდი ნაკრებში (ნუ ჩაბრაძე,ლობჟანიძე და აბუ ან ვინმე თუ მოუმატებენ კი ბატონო,მაგრამ ჯერ-ჯერობით არა)