კვიპროსის ჩემპიონატის საჩემპიონო ექვსეულში თემურ ქეცბაიას "ანორთოსისმა" სტუმრად "არისთან" ფრედ, 1:1 ითამაშა (გიორგი ლორიამ მოედანზე 90 წუთი გაატარა). მატჩის შემდეგ ქართველმა სპეციალისტმა გუნდური მუშაობის ნაკლებობაზე ისაუბრა, "აპოელთან" მატჩის შემდეგ ნათქვამი გაიმეორა, რომ ყველას თავის გამოჩენა სურს.ქეცბაია კატეგორიული იყო კითხვაზე, ყველაფერი დაღლილობის ბრალია თუ არა: "ორივე გუნდს 11 ფეხბურთელით რომ ეასპარეზა, გავამართლებდი. წინა დაპირისპირებაში ნახევარ გუნდთან ვითამაშეთ, დღესაც მეტნი ვიყავით და ვერ გამოვიყენეთ."
ვრცლად "ანორთოსისის" მწვრთნელის განცხადება:
"იმედგაცრუებული ვარ იმ ფეხბურთელების ძალისხმევით, რომლებსაც არ ჰქონდათ სათამაშო დისციპლინა, რაც ძალიან მნიშვნელოვანია. ყველას უნდა, თავი გამოიჩინოს და გუნდურ ფეხბურთს ვივიწყებთ. მეტი მომენტი შევქმენით,
რისი ბრალი იყო: "მეორე ტაიმში ვდომინირებდით, მაგრამ მეტოქის კარის აღება ვერაფრით მოვახერხეთ."
გუნდში არის თუ არა დაღლილობა: "ნამდვილად არის დაღლილობა, არა მხოლოდ ფიზიკური, არამედ ფსიქოლოგიურიც. ჩვენ ველოდით, რომ გუნდურობა გვექნებოდა, მაგრამ ზოგიერთს სურდა, რომ მატჩის გმირი გამხდარიყო."
"ანორთოსისი" ახლა მე-4 ადგილზეა და თუკი ჩემპიონთა ლიგის საკვალიფიკაციო ეტაპზე გასვლა სურს, ჩემპიონატში, მინიმუმ, მე-2 ადგილი უნდა დაიკავოს.
მომზადებულია goal.philenews-ის მიხედვით
გამარჯვების მიუხედავად, ქეცბაია უკმაყოფილოა - მორიგი ტურის წინ
ქეცბაიამ გაიმარჯვა, ოქრიაშვილის "აპოელს" 4 მოთამაშე გაუძევეს [VIDEO]
