ყაზაიშვილმა ჩემპიონთა ლიგაზე ზედიზედ მე-2 ტურში გაიტანა [VIDEO]

AutoSharing Option
AUTO PLAY
"ულსან ჰიუნდაის" ქართველმა შემტევმა ვაკო ყაზაიშვილმა აზიის ჩემპიონთა ლიგაზე კიდევ ერთი გოლი გაიტანა - მე-5 ტურის მატჩში იაპონური "კავასაკის" კარი დალაშქრა, მისმა გუნდმა კი 3:2 გაიმარჯვა.

მასპინძლებმა შეხვედრის დასაწყისში 2 გოლი გაიტანეს, პირველი ტაიმის მიწურულს კი იაპონელებმა ერთი ბურთის გაქვითვა შეძლეს. ყაზაიშვილმა მეორე ნახევრის დაწყებისთანავე, 47-ე წუთზე, კორეელთა 2-ბურთიანი უპირატესობა აღადგინა - ბრაზილიელი ლეონარდოს პასი შეირგო და მეკარესა და მცველს ერთდროულად გაუსწორდა. ჩვენებური 71-ე წუთზე შეცვალეს.

ამ გამარჯვების შემდეგ ვაკოს გუნდი ჯგუფში 10 ქულით გალიდერდა. მათ დღვანდელ მეტოქეს 8 ქულა აქვს, მალაიზიურ "ჯოჰორს"
კი - 7. წინ ბოლო ტურია.

შეგახსენებთ, ქართველმა ნახევარმცველმა წინა შეხვედრაში ჩინურ "გუანჯოუს" გაუტანა, მიმდინარე სეზონში კი 3 გოლი და 1 შედეგიანი პასი აქვს.

alt"მამარდას" ცოტა დააკლდა, ხვიჩას ნეაპოლში ელიან - სააღდგომო დღეების ამბები [VIDEO]

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული