„ღამურების“ მეკარე გიორგი მამარდაშვილმა მიმდინარე სეზონში ყველა ტურნირზე მე-20 მატჩი ჩაატარა და გადაუჭარბებლად შეიძლება ითქვას, თავის გუნდს ქულა მოუპოვა. ის ზედიზედ მეორედ დაასახელეს "მატჩის მეფედ", Whoscored-მა კი მისი თამაში 7.9 ქულით შეაფასა, რაც ორივე გუნდში საუკეთესო შეფასებაა.
შეხვედრა მთლად სანახობრივი ვერ გამოდგა, უხეში იყო, გიორგიმ პირველ ტაიმში ორი შეცდომა დაუშვა, თუმცა გოლი არ გაუშვია. მან ორი რთული ბურთი მოიგერია. მეორე ტაიმში თამაშის სურათი არ შეიცვალა. 56-ე წუთზე ინიაკი მამარდაშვილთან პირისპირ გავიდა და მისი დარტყმული ბურთი ქართველმა ფეხით მოიგერია. 90+3-ე წუთზე ინიაკიმ ისევ დაურტყა ბურთი, ამჯერად თავით, გოლი თითქოს გარდაუვალი იყო, მაგრამ "მამარდამ" საოცარ ნახტომში არ დაანება გატანა. ბოლოს ბასკები შტურმზე გადავიდნენ, "ვალენსიას" კარი ხარიხამ გადაარჩინა და საბოლოოდ მატჩი ფრედ დასრულდა.
„ვალენსია“ 44 ქულით მე-10 ადგილზეა და 10 მაისს „ბეტისს“ უმასპინძლებს, რომელთანაც თასის ფინალში დამარცხდა.
ბილბაო. „სან მამესი“. 41 091 მაყურებელი
ბილბაო - ვალენსია 0:0
გაძევება: გილამონი (90+7)
![alt](/pictures/image50/e069574347dc4bf76c97f1fb4309c6d8.jpg "სუპერმამარდამ "ვალენსიას" "სან მამესზე" ქულა მოუპოვა")
ქართველებს მიზნებამდე ცოტა აკლდებათ - "მამარდას", "ჩაკვეს" და სხვათა ამოცანები 
![მამარდაშვილს, რომელმაც "ვალენსიას" უკაპიტნა, პენალტი ვერ გაუტანეს და მეთორმეტედ შეინახა კარი მშრალად [VIDEO]](/pictures/image7/cb9c1d106e44b628874afc76ebaa3278.jpg "მამარდაშვილს, რომელმაც \"ვალენსიას\" უკაპიტნა, პენალტი ვერ გაუტანეს და მეთორმეტედ შეინახა კარი მშრალად [VIDEO]")
მსოფლიო დონის მეკარედ ყალიბდება. წარმატებები!