ჩრდილოეთ მაკედონიისა და საქართველოს შეხვედრის (0:3) შემდეგ იტალიაში ადგილობრივი გამოცემები ხვიჩა კვარაცხელიას პერფორმანსს გამოეხმაურნენ.
"ერთა ლიგის C ჯგუფში მე-3 ტურის ცენტრალური შეხვედრა მაკედონიასა და საქართველოს შორის გაიმართა. თუ მასპინძლები 3 ქულას მოიპოვებდნენ, მაშინ პირველ ადგილზე გადავიდოდნენ. ტრადიციულად ბრწყინვალე შეხვედრა ჩაატარა "ნაპოლის" მომავალმა ფეხბურთელმა ხვიჩა კვარაცხელიამ. ქართველმა ფეხბურთელმა 62-ე წუთზე საჯარიმოს გარედან მაკედონიელებს გოლი ჩინებული გასროლით გაუტანა. "კვარას" სანაცვლოდ 10 მილიონი გადაიხადეს. ახალწვეულის დავალება იქნება, ღირსეულად შეცვალოს გუნდის ყოფილი კაპიტანი ლორენცო ინსინიე და მისი წასვლა ხელმძღვანელობას სანანებელი არ გაუხდეს. რუსეთის მიერ
უკრაინაში ფართომასშტაბიანი ომის წამოწყების შემდეგ ხვიჩამ ყაზანის "რუბინი" დატოვა და კარიერა ბათუმის "დინამოში" გააგრძელა, სადაც 11 მატჩში თავი 8 გოლით გამოიჩინა" - Spazzionapoli.
"ნაპოლის" მომავალმა ფეხბურთელმა მაკედონიელებს კიდევ ერთი ულამაზესი გოლი გაუტანა. ხვიჩას არ უყვარს გაჩერება, გუშინ კი თავისი გოლის ეპიზოდში მეკარეს შანსი არ დაუტოვა. კომენტატორი აღფრთოვანებული იყო მისი მოქმედებით. იტალიურმა გუნდმა ფენომენალური მოთამაშე შეიძინა. ამ ტრანსფერით ნეაპოლელებმა მიზანში მოახვედრეს, კვარაცხელია სერია A-ს მომდევნო სეზონის ერთ-ერთი დიდი სიურპრიზი იქნება" - areanapoli.
"კვარაშოუ" გრძელდება, "ნაპოლის" ახალი შენაძენის კიდევ ერთი მაგიური გოლი. კვარაცხელიამ და საქართველოს ეროვნულმა ნაკრებმა ელიფ ელმასი და ჩრდილოეთი მაკედონია 3:0 დაამარცხეს. ერთ-ერთი გოლი 62-ე წუთზე ნეაპოლელთა მომავალმა ვარსკვლავბიჭუნამ, ხვიჩა კვარაცხელიამ გაიტანა" - Corrieredellosport.
შეგახსენებთ, ჩვენებური "ნაპოლის" ფეხბურთელი სატრანსფერო ფანჯრის გახსნისთანავე, ივლისის თვეში გახდება. რაც შეეხება საქართველოს ნაკრებს, ერთა ლიგის მეოთხე ტურის მატჩი 12 ივნისს, "დინამო არენაზე", ბულგარეთის ეროვნული ნაკრების წინააღმდეგ 20:00 საათზე გამართავს.
ამ დროისთვის ჩვენი ნაკრები ჯგუფს 9 ქულით ლიდერობს, მეორეადგილოსან მაკედონიას კი 4 ქულა აქვს.
![alt](/pictures/image50/2f3799fec9dca5380ea3c50f70590d31.jpg ""კვარაშოუ" გრძელდება, ნეაპოლელებმა ამ ტრანსფერით მიზანში მოახვედრეს..." - იტალიელები ხვიჩაზე "გიჟდებიან"")
"საქართველოს გაუმარჯოს!!!!" - რა ხდებოდა ჩვენი ნაკრების გასახდელში ჩრდილოეთ მაკედონიის განადგურების შემდეგ [VIDEO]![alt](/pictures/image50/a8d7acc8833abc1a9891a65ff0ca1b2b.jpg ""კვარაშოუ" გრძელდება, ნეაპოლელებმა ამ ტრანსფერით მიზანში მოახვედრეს..." - იტალიელები ხვიჩაზე "გიჟდებიან"")
ცნობილი რუსი კომენტატორი: "გაუმარჯოს საქართველოს!"![alt](/pictures/image50/85a300876f5ee3c696c56abd98c10412.jpg ""კვარაშოუ" გრძელდება, ნეაპოლელებმა ამ ტრანსფერით მიზანში მოახვედრეს..." - იტალიელები ხვიჩაზე "გიჟდებიან"")
გოლგაუშვებლად მოგიგებთო და საქართველოს ნაკრებმა ჩრდილოეთი მაკედონია გაანადგურა! [VIDEO]![alt](/pictures/image50/1bdd75b2c7a3ecef58328860e80a90d0.jpg ""კვარაშოუ" გრძელდება, ნეაპოლელებმა ამ ტრანსფერით მიზანში მოახვედრეს..." - იტალიელები ხვიჩაზე "გიჟდებიან"")
სანიოლი: ამ გუნდს დიდი ამბიციები აქვს - ხვიჩა იტალიაში ტოპი გახდება!![alt](/pictures/image50/f05afa5dfd8c5bb08c644a3323319e1d.jpg ""კვარაშოუ" გრძელდება, ნეაპოლელებმა ამ ტრანსფერით მიზანში მოახვედრეს..." - იტალიელები ხვიჩაზე "გიჟდებიან"")
ხვიჩა ქართველებს მიმართავს! - რა განცხადება გააკეთა კვარაცხელიამ ჩრდილოეთ მაკედონიის განადგურების შემდეგ [VIDEO]
სასწაულად მიხარია და ცოტა მაშინებს. არ გამოგვიცდია აქამდე ეგეთი სიხარული და იმიტომ ალბათ...
წარმატებები ხვიჩა!
ყველაზე მეტი სტრესი გამოიარა სხვა ნაკრების ფეხბურთელებისგან განსხვავებით. მხოლოდ ერთ მაგალითს ვიტყვი. ჩაკვეტაძემ ტრავმა რომ მიიღო მთელი ერი წარმატებას და გამოჯანმრთელებას უსურვებდა. ადეკვატური რეაქციები ჰქონდათ ასე თუ ისე. კვარამ ტრავმა რომ მიიღო შარშან სექტემბერში, ნახევარი საქართველო ლანძღავდა, ტრავმა მოიგონა და ნაკრებში თამაში არ უნდაო. პოსტიც კი დაწერა რამდენად ნაწყენი იყო და თავსაც იმართლებდა მართლა ტრავმა მაქვსო. თავი ძალიან უხერხულად ვიგრძენი.
ომის დაწყების მერე რაც უქნა ერმა მაგაზე აღარ ვისაუბრებ. სამარცხვინო ლაქად დაგვრჩება მუდმივად.
ალბათ ასეთები ვართ ქართველები. თუ ვინმე ნიჭიერი გამოგვერევა ყველაზე დიდი წნეხი ზუსტად მას უნდა დავატეხოთ თავზე.
ჯერ მხოლოდ 21 წლისაა იქნება კიდე მის კარიერაში ცუდი და კარგი პერიოდები . იქნებ ახლა მაინც ვისწავლოთ მხარდაჭერა!