"ახლა კიდევ სადმე რომ გადავიდეს და არ ითამაშოს, ფსიქოლოგიურად გატყდება..." - "ჩაკვეს" მენეჯერი გიოზე საუბრობს

AutoSharing Option
გიორგი ჩაკვეტაძის მენეჯერმა გოგა გახოკიძემ "პირველი არხის" ეთერში, გადაცემა "საფეხბურთო ტაიმაუტში" 22 წლის ქართველ ფეხბურთელზე ისაუბრა:

"ყველამ ვიცით, როგორი ტრავმები გადაიტანა, რამდენი გამოტოვა. მისთვის ძალიან მნიშვნელოვანია თვითდაჯერების მოსვლა. "ჰამბურგშიც" ისე მოხდა, რომ არ წაუვიდა თუ მწვრთნელმა ცოტა ისეთი თვალით შეხედა, ცოტა ისეთი გასაგებია, მაგრამ მართლა დასანანია, რომ ეგეთ ფეხბურთელს და ასეთ ტალანტს, რომელმაც ერთა ლიგის პირველი გათამაშება ნაკრებს მოაგებინა, ასე დაემართა... აუცილებლად უნდა წავიდეს ისეთ გუნდში, სადაც ითამაშებს, ესაა მისთვის ყველაზე მნიშვნელოვანი. 22 წლისაა, უფრო უნდა მოინდომოს, თავის თავზე იმუშაოს,
რათა არც ერთი მწვრთნელი და არც გუნდი არ ალაპარაკოს, რომ, ვთქვათ, ვარჯიში ეზარება ან რაღაც მსგავსი. უნდა იმუშაოს ბევრი და ყველაფერი გამოუვა. მას აქვს იმხელა რესურსი, რომ დიდ დონეზე ითამაშოს. დიდი იმედი გვაქვს, რომ ნაკრებსაც გამოადგება მომავალში.

"გენტთან" კონტრაქტი ჯერ კიდევ აქვს, ტრავმების გამო უხანგრძლივებდნენ... ქეცბაიას კვიპროსში უნდოდა წაეყვანა, ძალიან უნდოდა თან, თუმცა თვითონ წამოვიდა "ანორთოსისიდან". კონკრეტული შემოთავაზება ჯერჯერობით არ არის. ბელგიაში დარჩენაც არ უნდა, რადგან მწვრთნელთან გარკვეული პრობლემები აქვს. იქ იმ სპეციალისტმაც ხელშეკრულება 2 წლით გააგრძელა. თვითონ უნდა იფიქროს, წავიდეს ისეთ გუნდში, სადაც ითამაშებს. ახლა კიდევ რომ გადავიდეს სადმე და კიდევ არ ითამაშოს, ფსიქოლოგიურად გატყდება".

კომენტარი გააკეთა საქართველოს ნაკრების ყოფილმა ფეხბურთელმაც, გოჩა ჯამარაულმაც:

"საინტერესოა სანიოლის აზრი, გიბრალტართან დააყენა, შემდეგ განაცხადში არ იყო. არ ვიცი, ამ ბიჭს როგორი ხასიათი აქვს. ხომ არ შეეტყო რამე, რომ გამოცვალა ან არ დააყენა. აქ გიბრალტართან ცუდად მართლა არ უთამაშია. ის ჩაკვეტაძე არაა, მაგრამ კარგად ითამაშა. შემდეგ ორი თამაში რომ 18 კაცში ვერ ხვდები, საინტერესოა. ამ მომენტში ჩაკვეტაძემ ხასიათი უნდა გამოაჩინოს. ესაა ფეხბურთის ტრავმა, რომელიც ბევრს გადაუტანია. ევროპა ისეთი რაღაცაა, რომ იქ თუ შენი ხასიათი არ გამოაჩინე, ხელს არავინ ჩაგკიდებს და გათამაშებს. თუ მგელი არ ხარ, ზუსტად ამ სიტყვის მნიშვნელობით, არ გამოვა. საქართველოს ჩემპიონატშიც თამაში უნდა. ვარჯიშზე თუ არ დაიხარჯე, ზოგადად ვამბობ, გიოზე არ ვიძახი, თუ 100%-ით თამაშსა და ვარჯიშზე არ დაიხარჯე, სადაც უნდა იყო, შენ მწვრთნელი არ გათამაშებს. სათამაშო დისციპლინა რა არის, პირველი - მწვრთნელი რასაც დაგავალებს, ჯერ იმას აკეთებ, იმის იქითაც თუ აკეთებ, უკვე ძალიან მაგარი ხარ".

ვლადიმერ გუცაევმაც "ჩაკვეზე" საკუთარი მოსაზრება შემოგვთავაზა:

"თქვენ ევროპაში ითამაშეთ და იცით, რომ ევროპაში თამაში ძალიან ძნელია, მით უმეტეს, იქით, დასავლეთში. რაც უფრო დასავლეთია, მით მეტად სერიოზულია ფეხბურთი. შოთა არველაძემაც ილაპარაკა, თუ როგორ ვარჯიშობენ. შოთას რომ გაუკვირდება ტემპი და ვარჯიშზე დატვირთვები, არ ვიცი. ამიტომ მოინახოს ისეთი გუნდი, თუნდაც თბილისის ან ბათუმის "დინამო", სადაც ითამაშებს, აღიდგენს თავის ყველაფერს, იმიტომ, რომ ეგ რომ ჩვეულ ფორმაში იყოს. ნაკრები როგორი იქნება, აქეთ კვარაცხელია, იქით ჩაკვეტაძე, უკან კარგი ბიჭები არიან, დაცვაში იგივე კაშია, კვირკველია. იმედია, ყველაფერი გამოვა".


მკითხველის კომენტარები / 30 /
აღარ უნდა ამდენი ფიქრი რაც დრო გადის ჩაკვეტაძისთვის მით უარესი,ევროპაში ამხელა ტრამვის მერე ფეხბურთელს არ აიყვანენ,ამიტომ სასწრაფოდ თბილისის დინამოში გადასვლა იქნება მისთვის ძალიან სარგებელის მომტანი და ძველი ჩაკვეტაძე გახდება დინამოში აუცილებლად, აგერ კვარაცხელიას მაგალითი,კვარას საქართველოში თამაშით ფორმა არ დაუკარგავს, პირიქით სილაღე დაიბრუნა და ზოგ რაღაცეებში საგრძნობლად მოუმატა, ბოლობოლო აქედან წავიდა ნაპოლში.ჩაკვეტაძეს ჭირდება ასევე გვერდში მდგომი ისეთი აგენტი ვინც მისთვის სასარგებლო რჩევების მიმცემი იქნება, დღეს კი ასეთი ადამიანები მის გვერდით არ არიან.ჩაკვეტაძე ძალიან ჭირდება ქართულ ფეხბურთს ვითუმეტეს ანანიძის წასვლის მერე,ამაზე ყველამ უნდა იზრუნოს ერმაც და ბერმაც.
qomagi
12:22 15-06-2022
0
ზოგად Თუ ᲨევხედავᲗ რᲗულია რასაც ვამბობ მაგრამ Შანსი ქონდა და ხელიდან გაუᲨვა.
ზოგადად Ჩვენ გავხადეᲗ გმირი და მედიამ ერᲗი გოლი გაიტანა ნაკრებᲨი და ამომავალი ვარსკვლავია ...ატყდა ქება დიდება და Შედეგი რა მივიᲦეᲗ...ტრამვებსაც ვაბრალებᲗ მაგრამ კვარაცხელიასაც ქონდა ტრამვები ,მაგრამ მოინდომა და რა დონეზეა ვხედავᲗ...როცა სპორტმენი ასპარეზზე გამოდის არ ᲨეიᲫლება ცამდე აყვანა...ცრიᲗხალდ უნდა მოვექცეᲗ...Ძნელია მაგრამ ᲩაკვეტაᲫე აქ Თუ იᲗამაᲨებს სხვაგნ ვეᲦარ.
მოქალაქე
11:07 15-06-2022
1

სიახლეები პოპულარული