საქართველოს ნაკრების ფორვარდი ბუდუ ზივზივაძე მოლაპარაკებებს თურქულ გუნდთან აწარმოებს.
გავრცელებული ინფორმაციის მიხედვით, 28 წლის ფეხბურთელის მიმართ ინტერესს "ანკარაგუჩუ" იჩენს.
ევროპული გუნდების დაინტერესება ზივზივაძის მიმართ გასაკვირი სულაც არაა, რადგან ბუდუმ გასულ სეზონში უნგრული "უიპეშტის" რიგებში 12 მატჩში 11 გოლის გატანა მოახერხა.
წარმატებული სერია გაგრძელდა საქართველოს ეროვნულ ნაკრებშიც, სადაც 3 მატჩში 2 გოლის გატანა შეძლო.
