"ნაპოლიმ" "დინამოს" წერილი მისწერა, რომ..." - კვარაცხელიას იტალიური თავგადასავალი იწყება, ხვიჩა ნეაპოლში მიფრინავს!

AutoSharing Option
რუსული СПОРТ-ЭКСПРЕСС-ის ინფორმაციით, "ნაპოლიმ" ბათუმის "დინამოს" წერილი მისწერა და შეუთვალა, რომ ხვიჩა კვარაცხელია აღარ ათამაშოს.

როგორც იცით, ბოლო 2 თამაშია ზღვისპირული გუნდის განაცხადში ახალგაზრდა შემტევი აღარ ჩანს. სავარაუდოდ, ნეაპოლელებს ეშინიათ, რომ მან შესაძლოა, ტრავმა მიიღოს, თანაც ხვიჩას დასვენება სჭირდება და ეს გადაწყვეტილებაც ამიტომ მიიღეს.

СПОРТ-ЭКСПРЕСС-ის ინფორმაციითვე, კვარაცხელია უახლოეს დღეებში ჩაფრინდება იტალიაში, "ნაპოლისთან" კონტრაქტს გააფორმებს და ამ გუნდთან ერთად მზადებას დაიწყებს.

აქედან გამომდინარე, ხვიჩას ბათუმური კარიერა დასრულდა. შესაბამისად, ის ჩემპიონთა ლიგის საკვალიფიკაციო ეტაპზე კლუბს ვერ დაეხმარება.
მკითხველის კომენტარები / 30 /
მგონი შეიძლებოდა რამდენიმე წუთით გამოეშვათ, სათამაშოდ.თვითონაც დაგვემშვიდობებოდა,ჩვენც მადლობას გადავუხდიდით,გზას დავულოცავდით და კიდევ ერთ მუხტს მივცემდით.ნამდვილად დაიმსახურა ხვიჩამ.მგონი სტადიონზეც მეტი ხალხი მივიდოდა.კარგის მეტი რა უნდა მომხდარიყო?ბიჭმა მეტოქეებსაც კი თავი შეაყვარა,ამ მოკლე დროში.
სოსო
15:09 24-06-2022
0
სვანეთიდან ჩავედით ბათუმში ხვიჩას თამაში რომ გვენახა, ტორპედოს წინააღმდეგ არ უთამაშია და სტადიონზე ყველა კითხულობდა მის ამბავს, ახლა გავიგე რატომ არ იყო... ხვიჩა გენაცვალე ძმაო წარმატებებს გისურვებთ
0

myquiz
ასევე დაგაინტერესებთ
სიახლეები პოპულარული