ხვიჩა კვარაცხელიას მომავალზე საუბარი ძალიან სასიამოვნოა და ქართველ გულშემატკივრებს ის არ მობეზრდებათ; ამავდროულად კი, სიფრთხილეც გვმართებს, რათა ჯერ კიდევ მაღალი დონის კარიერის სტარტზე მდგარი ხვიჩა ზედმეტად არ დავძაბოთ. ხვიჩას გაცილება
უკვე ისიც ვიცით, რომ შეკრების დაწყებიდან მალევე, კვარაცხელიას "ნაპოლის" მაისურის მორგების საშუალება ამხანაგურ შეხვედრებში მიეცემა. ახლა მთავარია, ქართველი გარემარბი გუნდს სრულად შეეწყოს და ოფიციალური მატჩებისთვის მთავარმა მწვრთნელმა ლუჩანო სპალეტიმ მასზე დაყრდნობა
სერია "ა"-ს სტარტი
ხვიჩას ახალი კლუბი სერია "ა"-ს 14 აგვისტოს, "ვერონაში" სტუმრობით იწყებს. ხორვატი იგორ ტუდორის გუნდმა გასული სეზონი მე-9 ადგილზე დაასრულა და როგორც საკუთარ მოედანზე, ასევე სტუმრად, დაახლოებით თანაბრად თამაშობს. მათმა ერთ-ერთმა ლიდერმა, დიეგო სიმეონეს ვაჟმა ჯოვანიმ, ახლახან დასრულებულ სეზონში 17 გოლი გაიტანა და 4 შედეგიანი პასი ჰქონდა, რაც ერთ-ერთი საუკეთესო მაჩვენებელი იყო. მის ტრანსფერზე საუბრები მიდის, თუმცა ჯერჯერობით ვერონაში რჩება.
"დიეგო მარადონას" არენაზე ნეპოლელები 21 აგვისტოს, ახლად აღზევებულ, სილვიო ბერლუსკონის "მონცას" დაუხვდებიან. ხვიჩას კლუბის მომავალი 2 საშინაო მეტოქე "ლეჩე" (31 აგვისტო) და "სპეცია" (11 სექტემბერი) არიან. ასე რომ, მათ ქულების დაგეგმვა თამამად შეუძლიათ. აი, სეზონის სტარტზე კი 3 რთული გასვლითი შეხვედრა ელით - "ფიორენტინა" (28 აგვისტო), "ლაციო" (4 სექტემბერი) და "მილანი" (18 სექტემბერი).
ესაა მატჩები, რომლებიც მორიგ სანაკრებო პაუზამდე ("ერთა ლიგის" დარჩენილი 2 ტური) გაიმართება. არ დაგვავიწყდეს, რომ ჩემპიონთა ლიგაზე, სადაც სპალეტის გუნდი იასპარეზებს, ამ დროს 2 ტური იქნება განვლილი.
"ნაპოლის" მიზნები
გასული სეზონი ნეაპოლელებს მართლაც მშვენიერი გამოუვიდათ და ისეთი გუნდები ჩამოიტოვეს, როგორებიც "იუვენტუსი", "ლაციო", "რომა", "ფიორენტინა" და "ატალანტა" არიან. აღსანიშნავია, რომ სპალეტის შეგირდებს სტუმრად უკეთესი შედეგი (43 ქულა) ჰქონდათ, ვიდრე შინ - (36). ამავდროულად, ნეაპოლელები იტალიის თასზეც ბრწყინვალედ გამოვიდნენ.
გუნდის მთავარი პრობლემა მაინც ნაკლები კონკურენცია და შედარებით "მოკლე" სათადარიგოთა სკამი იყო, რაც ტრანსფერებით, მათ შორის, კვარაცხელიას, უნდა მოგვარდეს, თუმცა იტალიაში კონკურენცია წელს უფრო გაზრდილი უნდა იყოს. არც "იუვენტუსის" კრიზისი უნდა გაგრძელდეს დაუსრულებლად...
მართლაც მოუთმენლად ველით იტალიის ჩემპიონატის დაწყებას. ვიმედოვნებთ, რომ "ნაპოლის" მატჩების პირდაპირი რეპორტაჟების ხილვის საშუალება მთელ საქართველოს მარტივად მიეცემა.
კვარაცხელია და "ნაპოლი" - როდის ველით ხვიჩას დებიუტს და რამდენ მატჩს გამართავს ის შემოდგომაზე?
"იტალიაში კვარაცხელიას მსგავსი ფეხბურთელი ბევრი არაა" - მსოფლიოს 2006 წლის ჩემპიონი
ერთი მამარდას თასის ფინალი გვაყურებინეს და ეხლა ხვიჩაზე გადაგყვებიან. სერია ა-ს ცალკე გაუშვებენ და ნაპოლის თამაშებს კიდევ ცალკე დამატებით ფასად.
ფარისევლურად გულშემატკივრობას ჯობია, უბრალოდ თქვა, რომ არ მოგწონს ფესბურთელი და არ გინდა მისი წარმატება. მეც მყავს ეგეთი ფეხბურთელები, რომლებიც არ მიყვარდა თავიდანვე, მაგლითად ლუის სუარესი, თავისი ქცევის და პიროვნების გამო იმდენად არმიყვარს, რომ არც მაინტერესებს რამდენ გოლს გაიტანს და სრულ იგნორირებას ვუკეთებდი აქამდე, მიმაჩნდა, რომ ყველა გუნდს არცხვენდა სადაც იყო, თავისი რასისტული და აფერისტული გამოხტომებით.
ყველას გვაქვს უფლება რომელიმე ფეხბურთელი არ გვიყვარდეს, ამას ვერავინ აგვიკრძალავს.
უბრალოდ თქვი თქვიდანვე ეგ, რა საჭიროა ვითომ მისთვის კარგი რომ გინდა და იმიტომ ლანძღავ? შექებამ არ აწყინოსო და რაღაც ისეთ უაზრო არგუმენტებს წერდნენ.
ან ქვეყანაში ძლივს ვიღაც გვეღირსა, ვინც ევროპული დონის ფეხბურთს თამაშობს და იმას როგორ აჰეითებს ზოგი..
პირიქით მხარი არ უნდა დაუჭირო?