უნგრეთში 4:1 მოგების შემდეგ "ფეჰერვარი" აზერბაიჯანში 1:2 დამარცხდა "გაბალასთან" და მესამე რაუნდში გავიდა. სტუმართა გუნდის სასტარტოში იყო ბუდუ ზივზივაძე, რომელმაც კვლავ გაიტანა გოლი (44-ე წუთზე) და 62-ე წუთზე შეცვალეს.
"რაკუვმა", რომლის განაცხადში ისევ არ იყო ვაკო გვილია, ისევ სძლია "ასტანას", ამჯერად გასვლაზე 1:0.
"აპოელმა" ბულგარეთში მიღწეული ნულოვანი ფრის მერე ნიქოზიაში 2:0 დაამარცხა "ბოტევი". კვიპროსულ გუნდში შეუცვლელად ითამაშა ბუბა დაუშვილმა, ხოლო გიორგი ქვილითაია ტრავმირებულია.
"ნეფთჩი" ერთი კვირის წინ ლიმასოლის "არისთან" 0:2 დამარცხდა, დღეს კი ბაქოში სრულფასოვანი რევანში აიღო (3:0) და გათამაშების შემდეგ ეტაპზე გავიდა. "მენავთობეთა" რიგებში შეუცვლელად იასპარეზა საბა კვირკველიამ.
ნურ-სულთანში "ოსიეკთან" 1:2 დამარცხებულმა "კიზილ-ჟარმა" ხორვატიაში 2:0 გამარჯვება შეძლო. ამ შეხვედრაში ანგარიში 62-ე წუთზე გიორგი ივანიაძემ გახსნა, რომელიც მე-60 წუთზე შევიდა შეცვლაზე. მისი თანაგუნდელი ელგუჯა ლობჯანიძე სასტარტოში იყო და 82-ე წუთზე შეცვალეს.
სერბეთის "რადნიჩკისა" და მალტის "გზირას" შეხვედრა 2:2 დასრულდა და რადგან პირველ მატჩშიც ფრე (2:2) დაფიქსირდა, დამატებითი დრო დაინიშნა, რომელშიც გუნდებმა გოლები "გაცვალეს", პენალტების სერიაში კი მალტელებმა 3:1 იმარჯვეს. აღსანიშნავია, რომ დღევანდელ დაპირისპირებაში მე-14 წუთზე ანგარიში სერბული გუნდის ქართველმა მცველმა ანტონ თოლორდავამ გახსნა.
"გომელმა" სალონიკის "არისთან" ორივე შეხვედრა საბერძნეთში ჩაატარა და ორივეში დამარცხდა - 1:5 და 1:2. ბელარუსულ გუნდში მე-80 წუთზე შევიდა შეცვლაზე გიორგი გოგოლაშვილი, 82-ე წუთზე პენალტი მოიპოვა და თავადვე გაიტანა.
ბუდუ ზივზივაძემ კონფერენს ლიგაზე გაიტანა [VIDEO]
![ზივზივაძემ გოლით და საგოლე გადაცემით "კარლსრუეს" გამარჯვება მოაპოვებინა და გაალიდერა [VIDEO]](/pictures/image7/b1d112e27d8d01286f091d7008e598ca.jpg "ზივზივაძემ გოლით და საგოლე გადაცემით \"კარლსრუეს\" გამარჯვება მოაპოვებინა და გაალიდერა [VIDEO]")
![გაატანინა, თავადაც გაიტანა - ზივზივაძე შეუჩერებელია [VIDEO]](/pictures/image7/0d40e884f8f6c1a595e25c4c4b7e377b.png "გაატანინა, თავადაც გაიტანა - ზივზივაძე შეუჩერებელია [VIDEO]")
![ბუდუს დუბლი და გამოუყენებელი პენალტი - "კარლსრუემ" გაიმარჯვა და მეოთხე ადგილზე გადავიდა [VIDEO]](/pictures/image7/04d27e9e4690204041e5c18403b0d3e8.jpg "ბუდუს დუბლი და გამოუყენებელი პენალტი - \"კარლსრუემ\" გაიმარჯვა და მეოთხე ადგილზე გადავიდა [VIDEO]")
![ბუდუ ზივძივაძემ მეათე გაიტანა და ანგარიში გაათანაბრა [VIDEO]](/pictures/image7/f0fade648d5973b24ff9e2d44548c2f7.jpg "ბუდუ ზივძივაძემ მეათე გაიტანა და ანგარიში გაათანაბრა [VIDEO]")
![ზივზივაძის ორი საგოლე პასი და დრამა "BBBank ვიდპარკზე" - "კარლსრუე" თასზე ბუნდესლიგის გუნდთან პენალტების სერიაში დამარცხდა [VIDEO]](/pictures/image7/3ef4f8f8687463ec71c87acef4238cf1.jpg "ზივზივაძის ორი საგოლე პასი და დრამა \"BBBank ვიდპარკზე\" - \"კარლსრუე\" თასზე ბუნდესლიგის გუნდთან პენალტების სერიაში დამარცხდა [VIDEO]")
ჯერ პრაფესორ ინდაურებს ელუღლუღათ