ჟურნალისტმა უმბერტო კიარიელომ განმარტა, თუ რატომ ცვლის მეორე ტაიმში ყოველთვის "ნაპოლის" მწვრთნელი ლუჩანო სპალეტი ხვიჩა კვარაცხელიას.
"სპალეტი შესანიშნავი მწვრთნელია, მაგრამ ვიღაცა მუდმივად ცდილობს მისი ავტორიტეტის შელახვას და უნდა, სხვებსაც დააჯეროს, რომ გუნდისთვის საზიანოდ მოქმედებს. ლუჩანო მართალია, ის ბრაზდება მაშინ, როდესაც ლაპარაკობენ, თითქოს ფეხბურთელებთან ცუდი ურთიერთობა აქვს.
თუ ყურადღებას მიაქცევდით, კვარაცხელია არასდროს თამაშობს ბოლომდე: მას 65-ე წუთის შემდეგ ცვლის და უფრთხილდება, როგორც ძვირფას ფეხბურთელს. მიზეზი? სპალეტი სტრესული ტრავმებისგან იცავს, რადგან ახალ ქვეყანაშია, იქამდე დაბალი დონის ჩემპიონატში თამაშობდა, ასეთ დროს კი გადაღლისგან
კუნთის დაზიანება სავსებით შესაძლებელია. იცის რა, ეს რამდენად მნიშვნელოვანია, სპალეტი უფრთხილდება, რამეთუ შორს იხედება", - თქვა კარიელომ Campania Sport-თან.
რა არ მოგწონთ?
ხვიჩა თამაშს აკეთებს უპირატესობას ქმნის და მერე ისვენებს.
ოსიმენს კუნთის ტრამვის რეციდივი რომ აქვს ხშირად რის ბრალია?
ხვიჩას უფრთხილდება სპალეტი და უნდა
გვიხაროდეს.
სანაკრებოები მოდის და ახლა რომ მაგან ტრავმა მიიღოს, საქართველოში გლოვას გამოაცხადებენ, რა გაუძლებს მერე აქაურობას.
იმედია ყველაფერი კარგად ექნება ბიჭს, ჯანმრთელობის მხრივ
კვარა განსხვავებულია სხვებისგან და ფიზიკურად კარგ შთაბეჭდილებას ტოვებს, მაგრამ სანამ ადაპტაციას არ გაივლის სერია ა ში, ჯობია ითამაშოს 60 65 წუთი.
ჩვენ ვხედავთ რომ შეტევის თავი და წამომწყები კვარაა და სპალეტი მაგას იქამდე ხვდება სანამ ჩვენ მაგას გავიფიქრებთ. სად რუბინის კვარა და სად ნაპოლის კვარა? შეადარეთ სურათები და ნახავთ ფიზიკურად კუნთის ხარჯზე როგორი მომატებული აქვს. ცოტაც მოგვიწევს მოთმენა და დარწმუნებული ვარ კვარას თავიდან ბოლომდე თამაშით დავტკბებით ძალიან მალე.