საფრანგეთის ლიგა 2-ის მე-9 ტურში ზურიკო დავითაშვილის "ბორდმომ" "დიჟონს" საკუთარ მოედანზე 2:1 სძლია. მოგეხსენებათ, ჩვენებურს ჟირონდელთა რიგებში შესანიშნავი დებიუტი გამოუვიდა და 21 წლის შემტევმა თავის გუნდს 87-ე წუთზე ლამაზი გოლით მოაგებინა.
მატჩის დასრულების შემდეგ "ბორდოს" მწვრთნელმა დავიდ გიონმა ზურიკოს შესახებ ისაუბრა:
"ყველამ დაინახეთ, რომ მას გამოცდილება აქვს. ქართველმა რამდენიმე სეზონი მაღალ დონეზე უკვე იასპარეზა. დავითაშვილი ასევე ეროვნული ნაკრების წევრია და საერთაშორისო შეხვედრებში იღებს მონაწილეობას.
ვფიქრობ, მატჩის ბოლოსკენ ის ცოტა დაღლილი იყო, მაგრამ საგოლე დარტყმის მომენტში ფეხი არ აუკანკალდა... დავითაშვილმა იცოდა
ზურიკოს მსგავსი მოთამაშე შეტევაში უფრო მეტ ეფექტურობასა და სიზუსტეს გვმატებს... მისი დამატება "ბორდოსთვის" შესანიშნავი შევსებაა.
იცით, რა მომეწონა განსაკუთრებით დავითაშვილში? - მისი ხასიათი... მას მატჩის დასაწყისშივე შეექმნა კარგი მომენტი და გოლის გატანა შეეძლო, თუმცა მეკარემ შესანიშნავი სეივი შასრულა, მაგრამ ის არ დანებდა...
ზურიკო ის ბიჭია, რომელიც შეტევაში მეტ შანსებს ქმნის და ეს ჩვენთვის ძალიან კარგია", - ამბობს გიონი.
![alt](/pictures/image50/992782cdb865b8bdcf65b90416d49a72.jpg ""ზურიკოსგან ეს ყველამ დავინახეთ... გეტყვით, მასში განსაკუთრებულად რა მომეწონა" - "ბორდოს" მწვრთნელმა დავითაშვილზე ისაუბრა")
დებიუტიც ასეთი უნდა - ზურიკომ საფრანგეთში გამარჯვების გოლი გაიტანა! [VIDEO]
![დავითაშვილმა შეუცვლელად ითამაშა - "სენტ-ეტიენმა" "მარსელთან" მარცხი განიცადა [VIDEO]](/pictures/image7/200729f8e2ae9705d1a3a0a8f365e779.jpg "დავითაშვილმა შეუცვლელად ითამაშა - \"სენტ-ეტიენმა\" \"მარსელთან\" მარცხი განიცადა [VIDEO]")
