11 ოქტომბერს გავრცელდა ინფორმაცია, რომ საქართველოს ნაკრების ფორვარდი ბუდუ ზივზივაძე საკუთარმა კლუბმა "ფეჰერვარმა" დასაჯა და იანვრის სატრანსფერო ფანჯარამდე ის მეორე გუნდში ივარჯიშებს. ამის მიზეზის შესახებ უკვე ვწერდით... საქმე ჩვენებურის ყოფილ კლუბთან, "უიპეშტთან" მატჩის შემდეგ გაცვლილ მაისურსაც შეეხება... ასევე "ფეჰევარის" ფანებს არ მოეწონათ, რომ შეხვედრის დასრულების შემდეგ ბუდუ ყოფილ თანაგუნდელებთან ერთად იცინოდა. პლუს, ბუდუ ყოფილი გუნდის ფანებს მიესალმა, ეს ყველაფერი კი ამჟამინდელ კლუბში აბსურდული სიმკაცრით აღიქვეს.
მიგვაჩნია, რომ ზივზვივაძის მიმართ ასეთი საქციელი არასამართლიანია და Sportall.ge საქართველოს ნაკრების თავდამსხმელს სრულ მხარდაჭერას უცხადებს.
ბუდუმ არაერთხელ დაამტკიცა, რომ უმაღლესი დონის პროფესიონალია, ის მოედანზე კლუბისთვისაც და ნაკრებისთვისაც ყოველთვის ბოლომდე იხარჯება და ვფიქრობთ, ამ შემთხვევაში გაურკვევლობას აქვს ადგილი, რის გამოც ჩვენებური დაისჯება.
მსგავსი საქციელი მატჩის შემდეგ თავის ფეხბურთელს ისეთმა გუნდმაც კი "გაუტარა" როგორიც მადრიდის "რეალია". გეხსომებათ, ჩემპიონთა ლიგაზე "ჩელსისთან" მარცხის შემდეგ ედენ აზარი ყოფილ თანაგუნდელებთან ერთად როგორ ხალისობდა.
სპორტი და ფეხბურთი ერთი დიდი სიყვარულია, რომელიც ყველას გვაერთიანებს, მაგრამ მეორეა ადამიანური ურთიერთობები, რომელიც შენ ჩამოგიყალიბდა... მთავარია, მოედანზე თავი დადო, შენი გუნდისთვის თუ ნაკრებისთვის ბოლომდე იბრძოლო, თამაშის შემდეგ კი ყოფილ მეგობრებთან სახალისო ისტორიების გახსენებაც არ იქნებოდა ურიგო...
მიგვაჩნია, რომ ბუდუ ზივზივაძე თავის სიტყვას მომავალში კიდევ არაერთხელ იტყვის. ის თავის კლუბს იპოვნის და საქართველოს ნაკრებსაც დიდ დახმარებას გაუწევს.
Sportall.ge ამ რთულ პერიოდში მას სრულ მხარდაჭერასა და თანადგომას უცხადებს!
ზივზივაძე სკანდალში გაეხვია - ქართველის ქმედებებმა "ფეჰევარის" ფანებში დიდი უკმაყოფილება გამოიწვია
Geo Team: "ფეჰერვარმა" ბუდუ ზივზივაძე პირველი გუნდიდან გააძევა
