კვარაცხელიასა და მამარდაშვილზე ბევრ ჭორ-მართალს წავიკითხავთ - სატრანსფერო ფანჯრის ამბები

AutoSharing Option
სატრანსფერო ფანჯარა ის პერიოდია, რომელიც გულშემატკივრებსა თუ მედიას ასე აინტერესებს, თუმცა ბევრი ფეხბურთელისთვის დამთრგუნველია - გაუთავებელი ჭორები, ამ თემის წამოწევა, სიფრთხილე, ისეთი არ წამოგცდეს, ვინმე გაანაწყენო. ამის "მსხვერპლნი" უფრო მეტად ვარსკვლავები არიან. ჩვენი ფეხბურთელები, გიორგი მამარდაშვილი და ხვიჩა კვარაცხელია, სწორედ ამ გზაზე დგანან. მათი სატრანსფერო ამბების მიმართ უკვე სერიოზული საუბრებია. მართალია, ზამთარში ყველაფერი ეს იმ მასშტაბით არ ხდება, როგორც ზაფხულში, თუმცა მაინც...

ხვიჩა კვარაცხელიას ირგვლივ ადრე გავრცელებულ მხოლოდ შესაძლო ტრანსფერებზე რომ ვისაუბროთ და სხვა ამბებს შევეშვათ, იმდენი ჭორ-მართალი თქმულა, ეს
რომ "ნაპოლის" ერთ-ერთ ლიდერზე ნეგატიურად მოქმედებდეს, ის გასულ წლებში ძალიან უნდა დაძაბულიყო. ხვიჩას ყველაფერი გავლილი და ნანახი აქვს. ისიც, ჭიქაში ქარიშხალი როგორ ჩნდება.

Sportall.Ge

"კეთილი მრჩეველი" "კვარას" ახლაც ბევრი ეყოლება, რომლებიც მადრიდის "რეალისა" თუ სხვა მსგავსი კლუბების შეთავაზებაზე დაუფიქრებლად დათანხმებისკენ მოუწოდებენ. ის ნამდვილად ვიცით, რომ "კვარადონა", ისევე, როგორც მისი გარემოცვა და კლუბი, აჩქარებულად არ მოიქცევიან და ეს მხოლოდ უახლოეს პერიოდს არ ეხება...

გიორგი მამარდაშვილი ეროვნული ლიგიდან "ვალენსიას" სასტარტო კიპერობამდე ისე მივიდა, თვალი ვერ მოვკარით და არც იმაზე ვნერვიულობთ, რომ საკლუბო პროგრესს სათანადოდ ვერ გააგრძელებს და ამაში ხელს თუნდაც ჭორ-მართალი შეუშლის. ცოტა ხანში უფრო მეტს დაწერენ "მანჩესტერ იუნაიტედზე", "იუვენტუსზე", თუმცა ეს მხოლოდ სასარგებლოდ უნდა გამოვიყენოთ...

კიდევ ერთი საკითხი გადამეტებულ ქებასა თუ შეფასებებს უკავშირდება. ხვიჩა კვარაცხელიას თამაშის სტილი საფეხბურთო ევროპას მართლაც აკლდა და ქართველი გარემარბით აღფრთოვანებას გავლენიანი გამოცემები გამოხატავენ. კიდევ ბევრი შედარება იქნება, თუმცა ასე მაღლა აწეული თამასა სხვა სირთულეებს ქმნის. თანამედროვეობის ერთ-ერთი მთავარი ვარსკვლავი ლიონელ მესი თითოეული სანაკრებო მარცხისა თუ ნებისმიერი ჩაგდებული შეხვედრის შემდეგ კრიტიკის ქარცეცხლში ექცეოდა. როცა ამას არგენტინელ ჯადოქარზე ვსაუბრობთ, ყველასთან მიმართებითაა შესაძლებელი.

Sportall.Ge

მეკარის შემთხვევაში ეს ამბავი კიდევ უფრო რთულია, რადგან კარის დარაჯის ნებისმიერი შეცდომა გაცილებით ძვირად ფასობს, თუმცა გიორგი მამარდაშვილიც, ხვიჩასი არ იყოს, მშვიდი და მენტალურად ჩამოყალიბებულია, რაც საქმეს გაუიოლებს.

სატრანსფერო ფასი - როგორც კვარაცხელიას, ასევე მამარდაშვილის შემთხვევაში, ეს კომპონენტი ყოველდღიურად იზრდება, ისევე, როგორც პირადი კონტრაქტის დეტალები უმჯობესდება. ახალგაზრდა მოთამაშეებისთვის ესეც დიდ გამოწვევად ითვლება, მაგრამ ჩვენი ლეგიონერებისთვის მთავარი რომ ყოველდღიურად კარიერული წინსვლაა და არა არსებულით დაკმაყოფილება, რისთვისაც ისინი არაფერს დაიშურებენ, ამისიც გვჯერა!

მსოფლიო ჩემპიონატის ყურებით სიამოვნებას ვიღებთ, თუმცა ქართულ ფეხბურთსა და მის წარმომადგენლებზე ყოველთვის გვედარდება. თანაც, რა კარგი საფიქრალი გვაქვს - რამდენად რეალურია ჩვენებურების მიმართ საკლუბო გრანდების დაინტერესება.

alt"ის უკეთესია, ვიდრე რონალდო" - ცნობილი იტალიელი კომენტატორი ხვიჩაზე საუბრობს

altGazzetta dello Sport: მამარდაშვილი "იუვენტუსის" პრიორიტეტი აღარაა

alt"ნაპოლი" ხვიჩასა და ფანტაზიის გარეშე - გამარჯვება "საჩემპიონო" სტილში

მკითხველის კომენტარები / 4 /
ხვიჩას მსგავსი ფეხბურთელი საქართველოს არ ყოლია,იმედია მომავალში იქნება..ანახა ფეხბურთი რას ნიშნავს გულშემატკივრებს,აქამდდ მსგავსი მხოლოდ ტელევიზორში ქონდათ ნანახი…ხვიჩა საუკეთესოა
karti
20:17 22-11-2022
4
ჯერ უნდა მყარად ჩამოყალიბდეს ნაპოლში, როგორც სუპერვარსკვლავი, აქეთ ნაკრებში შეუძლია კიდევ დიდ სიმაღლეებს შეუტიოს
და მერე იფიქროს სხვა გრანდებზე
თენგო
12:09 22-11-2022
1

ასევე დაგაინტერესებთ
სიახლეები პოპულარული