4 იანვარს სერია A განახლდება და თანაც რა მატჩით - "ნაპოლი" "ინტერს" ესტუმრება და ბოლო ორ სპარინგში წაგების შემდეგ, შეეცდება დაამტკიცოს, რომ კვლავაც სკუდეტოს მოგების მთავარი პრეტენდენტია. მომავალი დიდი შეხვედრის წინ რადიო Punto Nuovo-ს ეთერში "ნერაძურის" ყოფილმა პრეზიდენტმა, ლეგენდარულმა მასიმო მორატიმ ისაუბრა და ნეაპოლური გუნდის შემტევი ხვიჩა კვარაცხელია ისევ შეაქო:
"ეს დაპირისპირება "ინტერისთვის" ძალიან მნიშვნელოვანია, უფრო მნიშვნელოვანი, ვიდრე "ნაპოლისთვის" - "აძურისთვის" დიდი ზეწოლაა, ვინაიდან უნდა გაირკვეს, ჩემპიონატის პაუზის შემდეგ ისეთივე მრისხანეა თუ არა, როგორც სეზონის პირველ ნახევარში. თუ "ინტერი" დამარცხდება,
საჩემპიონო რბოლას გამოეთიშება.
"კვარა" რონალდოსავით ფენომენია? ისინი სხვადასხვა სტილის ფეხბურთელები არიან, თუმცა გუნდის თამაშზე ერთნაირი გავლენა აქვთ. ბრაზილიელი აქ როდესაც ჩამოვიდა, უკვე ცნობილი ფეხბურთელი იყო. ქართველს კარიერაში ისეთივე წარმატებას ვუსურვებ. მისი ტალანტი "ნაპოლის" გამარჯვებაში გადამწყვეტ როლს ითამაშებს.
სპალეტიმ გვაჩვენა, რომ განსაკუთრებული უნარების მქონეა, რასაც შედეგებით ამტკიცებს. "ნაპოლიმ" ტრანსფერებზე დიდი ფული არ დახარჯა, მაგრამ მნიშვნელოვანი ფეხბურთელები შეიძინა. მთავარი საფრთხე მილანელთათვის? ქართველი და ოსიმენი... ორი ფეხბურთელია, რომელთაც ამ შეხვედრაში ყველაფრის გადაწყვეტა შეუძლიათ.
თუ "ინტერმა" მარცხი განიცადა, ოქროს მედლებისთვის ბრძოლას ჩამოსცილდება და მე შემდეგ აბსოლუტურად ვუჭერ მხარს "ნაპოლის", რამეთუ ფეხბურთს ეკონომიკური თვალსაზრისით უფრო ნორმალურ სიტუაციაში ჩააყენებს. ამის შემდგომი აუცილებლობა არსებობს და ეს ჩვენს ფეხბურთს ჩვეულ კალაპოტში დააბრუნებს".
თუ "ინტერმა" მარცხი განიცადა, ოქროს მედლებისთვის ბრძოლას ჩამოსცილდება და მე შემდეგ აბსოლუტურად ვუჭერ მხარს "ნაპოლის", რამეთუ ფეხბურთს ეკონომიკური თვალსაზრისით უფრო ნორმალურ სიტუაციაში ჩააყენებს. ამის შემდგომი აუცილებლობა არსებობს და ეს ჩვენს ფეხბურთს ჩვეულ კალაპოტში დააბრუნებს".
![alt](/pictures/image50/f67ac951bd61d657fdffc0d3ba9955ba.jpg ""კვარაცხელიას ისეთივე გავლენა აქვს, როგორც რონალდოს" - მორატიმ ხვიჩა ბრაზილიელს შეადარა და წარმატებები უსურვა")
მანჩინი: ვინ მოიგებს სკუდეტოს? - "ნაპოლი" განსაკუთრებულ ფსიქოფიზიკურ მდგომარეობაშია
