გუშინ, 4 იანვარს, სერია A-ს მე-16 ტურში, "ნაპოლი" "ინტერს" ესტუმრა და 0:1 დამარცხდა."პარტენოპეი" ამ სეზონში იტალიის ჩემპიონატში პირველად დამარცხდა. სპალეტის შეგირდებმა "ნერაძურის" წინააღმდეგ ვერაფერი გააწყვეს.
რამდენიმე იტალიურმა გამოცემამ "ნაპოლის" ფეხბურთელები შეაფასა, ჩვენს ინტერესს კი ყველაზე მეტად, რა თქმა უნდა, ხვიჩა კვარაცხელია იწვევს. გთავაზობთ მათ კომენტარებს:
"ყველამ ვიცოდით, რომ დაბრუნების შემდეგ ადვილი მატჩი არ ექნებოდა. მის წინააღმდეგ ბევრჯერ იუხეშეს. ოსიმენს რეალური მომენტი შეუქმნა, როდესაც ნიგერიელი ონანასთან პირისპირ დატოვა. ხიფათის შექმნას ხშირად ცდილობდა, თუმცა მისი ცეცხლი მალე ქრებოდა" - Calcionapoli-მ ხვიჩა
"ხვიჩა ყველაზე მეტს აქტიურობდა, მარცხენა ფლანგზე დარმიანს და შკრინიარს ბევრი საქმე ჰქონდათ. ქართველის ცუდად შეფასება რთულია, მიუხედავად იმისა, რომ კარგად ვერ გამოიყურებოდა. მსაჯმა მისი დაცვა ვერ მოახერხა, ეს კი "ინტერის" ფეხბურთელებისთვის დამატებითი მოტივაცია აღმოჩნდა" - Tuttomercatoweb-მა ქართველს 6 ქულა დაუწერა.
"ბრწყინვალე მატჩი არ ჩაუტარებია, თუმცა ამის გამო კრიტიკას არ იმსახურებს. რამდენჯერმე თამაში გაამწვავა, მაგრამ ბარელამ და მისმა თანაგუნდელებმა ხვიჩას შესაჩერებლად ხისტად არაერთხელ იმოქმედეს, არბიტრი კი რამდენიმე ეპიზოდში შეცდა" - Areanapoli "კვარას" თამაშს 6 ქულით აფასებს.
"ნაპოლი" გათამაშებას 41 ქულით ლიდერობს. ნეაპოლელები უახლოეს მდევარ "მილანს" 5 ქულით უსწრებენ. სპალეტის გუნდი მომდევნო ტურის მატჩს 8 იანვარს სტუმრად "სამპდორიას" წინააღმდეგ გამართავს.
![alt](/pictures/image50/b72dd5f4798a0038fc44868fffed233e.jpg ""მსაჯმა მისი დაცვა ვერ შეძლო" - რას წერენ იტალიური გამოცემები ხვიჩას თამაშზე")
"ქართველმა პირობა ვერ შეასრულა" - "ნაპოლის" ქომაგებმა "კვარა" და სპალეტი არ დაინდეს
![alt](/pictures/image50/801562d42a7d301797afe613403f130c.jpg ""მსაჯმა მისი დაცვა ვერ შეძლო" - რას წერენ იტალიური გამოცემები ხვიჩას თამაშზე")
"ნაპოლის" ქომაგები "ინტერთან" მარცხით ბედნიერი არიან - საოცარი დამთხვევა 36 წლის შემდეგ
![alt](/pictures/image50/0e26ce96cf4179d99796be16f62e38f6.jpg ""მსაჯმა მისი დაცვა ვერ შეძლო" - რას წერენ იტალიური გამოცემები ხვიჩას თამაშზე")
"ხარისხი დაგვაკლდა, რამდენიმე მოთამაშით უკმაყოფილო ვარ" - სპალეტი მატჩის შემდეგ
![ჩემპიონთა ლიგა. V ტური: "ბაიერნმა"კიმ მინ ჯეს გოლით პსჟ-ს სძლია - "სიტიმ" 3:0-დან გამარჯვება ხელიდან გაუშვა [VIDEO]](/pictures/image7/1d702233380d6b4f0af30a758b146068.jpg "ჩემპიონთა ლიგა. V ტური: \"ბაიერნმა\"კიმ მინ ჯეს გოლით პსჟ-ს სძლია - \"სიტიმ\" 3:0-დან გამარჯვება ხელიდან გაუშვა [VIDEO]")
