მოგეხსენებათ, ხვიჩა კვარაცხელია რამდენიმე კვირის წინ საკუთარ "ინსტაგრამის" გვერდზე 1 მილიონ გამომწერს გადასცდა, რითაც პირველი ქართველი ფეხბურთელი გახდა, რომელმაც ამ ნიშნულს გადააბიჯა.
ამ მომენტისთვის "კვარას" პერსონალურ გვერდზე 1.2 მილიონი მიმდევარი ჰყავს.
ხვიჩას "იუვენტუსთან" მატჩის შემდეგ განთავსებულ ფოტოებს უკვე 1 მილიონზე მეტი მოწონება და თითქმის 11 000 კომენტარი აქვს, რომლებშიც თავმოყრილია ქართველი და უცხოელი გულშემატკივრების სამადლობელი გამოხმაურებები.
შეგახსენებთ, სერია A-ს 20 ტურის შემდეგ "ნაპოლი" 53 ქულით გათამაშების უპირობო ლიდერია, მეორეადგილოსან "ინტერს" კი 13 ქულით უსწრებს.
რაც შეეხება მომდევნო შეხვედრას, "პარტენოპეი" 5
თებერვალს "სპეციას" ესტუმრება.
![alt](/pictures/image50/6279867aeb67a63f48a1a38792858396.png "1 მილიონზე მეტი მოწონება საკუთარ გვერდზე - "კვარას" "იუვენტუსთან" ფოტოები 7 ნიშნულიან მაჩვენებელს გადასცდა")
"ხვიჩა, პირველი ხარ" - ემოციური ვიდეო ნეაპოლიდან [VIDEO]
