"შტურმის" ნახევარმცველი ოთარ კიტეიშვილი 10 თებერვალს, ავსტრიის ბუნდესლიგის მე-17 ტურში, სახლში "რაპიდთან" მოგებული მატჩის (1:0) 83-ე წუთზე დაშავდა და შეცვალეს.
გრაცული კლუბის საიტის ცნობით, კიტეიშვილმა გუშინ ვარჯიშის გაგრძელება კუნთის ტრავმის გამო ვერ მოახერხა და ჩატარებულმა მაგნიტურ-რეზონანსულმა ტომოგრაფიამ აჩვენა, რომ რამდენიმე კვირა უქმობა მოუწევს. მან მკურნალობა უკვე დაიწყო.
იმედია, ოთარი ტრავმას დროულად მოირჩენს და 28 მარტს, ევროპის ჩემპიონატის საკვალიფიკაციო ეტაპზე ნორვეგიასთან შეხვედრაში საქართველოს ნაკრების დახმარებას შეძლებს.
კუნთის ტრავმა ზოგადად მძიმე არაა თუ მყესი არაა დაზიანებული.