დებიუტში სტუმრები ურიგოდ არ გამოიყურებოდნენ, თუმცა დაწინაურება მასპინძლებმა მოახერხეს, როდესაც ჩაწოდებულ ბურთზე მამარდაშვილს რაფინიამ დაასწრო. აქედან მოყოლებული „ბარსა“ უპირატესობას დაეუფლა, გიორგიმ ფერან ტორესს არ დაანება გატანა. შანსები „ღამურებსაც“ მიეცათ, მაგრამ კორეიამ და ლინომ ვერ გამოიყენეს.
შესვენების შემდეგ კატალონიურმა გუნდმა მეტოქეზე ზეწოლა გააძლიერა: კუნდეს დარტყმული ბურთი ხელზე გილიამონს მოხვდა და პენალტი ფერან ტორესმა ვერ გამოიყენა (ბურთი ძელს მოხვდა), მორიგი იერიშისას ბურთი ძელს უკვე ფატიმ გაარტყა. 59-ე წუთზე კი „ბარსელონა“ რიცხობრივ უმცირესობაში დარჩა - არაუხომ დურო წააქცია და მსაჯმა ბოლო იმედის ჯარიმის გამო გააძევა. 86-ე წუთზე კესიესთან კონტაქტის მერე პერესი საჯარიმოში წაიქცა, მაგრამ მსაჯმა თერთმეტმეტრიანის დანიშვნა საჭიროდ არ მიიჩნია და "ვალენსია", რომელმაც ერთადერთხელ დაარტყა ბურთი მოწინააღმდეგის კარში (90+5-ე წუთზე), მინიმალური ანგარიშით დამარცხდა.
„ვალენსია“ 23 ქულით ბოლოსწინა, მე-19 ადგილზეა და 12 მარტს „ოსასუნას“ უმასპინძლებს.
ბარსელონა. „კამპ ნოუ“. 89 644 მაყურებელი
ბარსელონა - ვალენსია 1:0
გოლი: რაფინია (16)
გაძევება: არაუხო (59)
გამოუყენებელი პენალტი: ფერან ტორესი (55)
![alt](/pictures/image50/fcbe2bdc65989ad0a20fa71532e78729.jpg "ფერანის გამოუყენებელი პენალტი და არაუხოს გაძევება - მამარდაშვილის "ვალენსია" "ბარსელონასთან" დამარცხდა")
ცნობილი გახდა, რატომ ითამაშებს მამარდაშვილი "კამპ ნოუზე" შავი ფორმით
