საქართველოს ნაკრების ნახევარმცველმა ვაკო გვილიამ სარეაბილიტაციო პროცესის შემდეგ ვარჯიში ვარშავის "ლეგიაში" განაახლა და დიდი ალბათობით, ახალ კონტრაქტსაც დედაქალაქურ გუნდთან გააფორმებს.
პოლონური Legionisci წერს, რომ ქართველმა ფეხბურთელმა ყოფილ კლუბს მათთან ვარჯიშის უფლება სთხოვა, რაზედაც თანხმობა მიიღო, თუმცა წყაროზე დაყრდნობით, "ლეგიას" ხელმძღვანელობა ქართველს აკვირდება, რადგან გუნდი ნახევარდაცვის ცენტრალურ ზონაშია გასაძლიერებელი.
როგორც გვილიამ Europop-ს განუცხადა, გუნდში პირველი ვარჯიში უკვე ჩაატარა, სამედიცინო შემოწმებაც გაიარა და დიდი ალბათობით, კლუბთან კონტრაქტს სეზონის ბოლომდე გააფორმებს.
ნახევარმცველმა საქართველოს ნაკრების მაისური 47-ჯერ მოირგო და თავი 3 გოლითაც გამოიჩინა.
წყარო:
Europop
![ატყდა დავიდარაბა. "სლოვანმა" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]](/pictures/image7/57f03630e45e20d80b6f88de210dde05.jpeg "ატყდა დავიდარაბა. \"სლოვანმა\" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]")
