საფრანგეთის ლიგა 2-ის ბოლო ტურში "ბორდოსა" და "როდეზის" შეწყვეტილი მატჩის შესახებ საფრანგეთის ფეხბურთის ფედერაციის სადისციპლინო კომიტეტმა გადაწყვეტილების მიღება 12 ივნისისთვის გადაიტანა.
იმ შემთხვევაში, თუ შეხვედრა განახლდება, ზურიკო დავითაშვილის "ბორდოს" სატურნირო ცხრილში მეორეადგილოსანი გიორგი მიქაუტაძის "მეცის" გადასასწრებად და ლიგა 1-ის საგზურის მოსაპოვებლად 5-ბურთიანი სხვაობით გამარჯვება სჭირდება.
შეგახსენებთ, თამაში 23-ე წუთზე შეწყდა, როდესაც "როდეზი" ლიუკა ბუადემ დააწინაურა. მას მოედანზე შევარდნილმა გულშემატკივარმა ხელი ჰკრა და მსაჯმა გუნდები მოედნიდან გაიყვანა.
ამასობაში საქმეში "ანსი" ჩაერია, რომელიც ისევე, როგორც "როდეზი", ლიგა 2-ში დარჩენისთვის იბრძვის. თუ "როდეზს"
გამარჯვება ჩაუთვალეს, ეს გუნდი გავარდნას გადაურჩება, ხოლო "ანსი" ქვედა დივიზიონში დაქვეითდება და პროკურატურაში ჩივილით იმუქრება. კლუბი ირწმუნება, რომ ბუადეს ტვინის შერყევა არ მიუღია, საავადმყოფოში არ გადაუყვანიათ, "როდეზი" კი ცდილობს, სიტუაციით ისარგებლოს და გავარდნას გადაურჩეს.
"ბორდოს" გულშემატკივარს თავისუფლების აღკვეთა ემუქრება
![მიქაუტაძე შევიდა და გოლიც გაიტანა - "ლიონმა" თასზე გაიმარჯვა [VIDEO]](/pictures/image7/b768712317139864e2a8010e62614c73.jpg "მიქაუტაძე შევიდა და გოლიც გაიტანა - \"ლიონმა\" თასზე გაიმარჯვა [VIDEO]")
დავითაშვილს გაუჭირდება.