ბუდუ ზივზივაძის "კარლსრუემ" მეორე ბუნდესლიგის 2023/24 წლების სეზონი გასვლაზე მოპოვებული გამარჯვებით დაიწყო - ქართველის გუნდმა "ოსნაბრიუკს" 3:2 სძლია. ქართველი ფორვარდი ბადენვიურთემბერგელთა ძირითად შემადგენლობაში იყო და მოედანზე 70 წუთი გაატარა. ბუდუს გოლის გატანა პირველ ტაიმში შეეძლო - მცველს ბურთი წაართვა და მახვილი კუთხიდან დაარტყა, თუმცა მეკარემ ბურთის კუთხურზე მოგერიება შეძლო.
მომდევნო ტურში "კარლსრუე" საკუთარ მოედანზე "ჰამბურგს" მიიღებს. შეხვედრა 6 აგვისტოს გაიმართება.
