"სასუოლოსთან" სერია A-ს მეორე ტურის საშინაო მატჩში "ნაპოლის" გარემარბი ხვიჩა კვარაცხელია 61-ე წუთზე შევიდა შეცვლაზე და საგოლე გადაცემა გააკეთა. Sofascore-მა მისი თამაში 7.4 ქულით, whoscored-მა 7.2-ით, ხოლო flashscore-მა 7.5-ით შეაფასა.
ნეაპოლური გუნდის მწვრთნელმა რუდი გარსიამ შეხვედრის დაწყების წინ DAZN-თან განაცხადა, რომ კვარაცხელიას წინასასეზონო პერიოდში "ჟირონასთან" მიღებული ტრავმის გამო პრობლემა ჰქონდა, 12 ვარჯიში გაუცდა, ამიტომ ამჯობინა, ძირითად შემადგენლობაში არ დაეყენებინა, მეორე ტაიმში შეუშვებდა შეცვლაზე და იმედი ჰქონდა, რომ სიტუაციას შეცვლიდა.
ხვიჩა მართლაც კარგად შევიდა შეცვლაზე, თამაში გაახალისა და Informazione აღნიშნავს, რომ ქართველის ასპარეზობით კვლავ უნდა ისიამოვნონ.
