"პარმას" ყოფილმა სპორტულმა დირექტორმა და საფეხბურთო აგენტმა ენრიკო ფედელემ კიდევ უფრო გაამყარა ეჭვი, რომ "ნაპოლის" გარემარბი ხვიჩა კვარაცხელია გუშინ "სასუოლოსთან" ძირითად შემადგენლობაში სათამაშოდ მზად იყო და მწვრთნელი რუდი გარსია კლუბის პრეზიდენტის, აურელიო დე ლაურენტისის მითითებებს ასრულებს.
აი, რა განუცხადა ფედელემ რადიო Marte-ს: "რასპადორი თავდამსხმელია და კართან ახლოს უნდა ითამაშოს. გამოსავლის მოძებნაა საჭირო. მე არ მესმის რუდი გარსიასი, ის დარწმუნებულია თუ უბრალოდ სურს, პრეზიდენტს აამოს. გარსია ამბობს, რომ კვარაცხელია სასტარტოში იმიტომ არ დააყენა, რომ ბოლო რამდენიმე კვირის მანძილზე მაქსიმალურად ვერ ივარჯიშა
და გარკვეული დისკომფორტი ჰქონდა. ის ცრუობს. "კვარასნაირი" ფეხბურთელი ცალი ფეხითაც თამაშობს.
სიმართლე ისაა, რომ აქ საკვანძო რასპადორის მომენტია. "ნაპოლიმ" მოცემულობა უნდა შეცვალოს და ჯაკომოსთვის მოედანზე სტაბილური ადგილი მოძებნოს. მე პირდაპირ ლაპარაკი მიყვარს და ვამბობ იმას, რასაც ვფიქრობ. ჩემი აზრით, სიტუაცია ასეთია".
დღეს "ტუტოსპორტმა" გაავრცელა ინფორმაცია, რომ კვარაცხელიას "ნაპოლი" მალე კონტრაქტს 2028 წლის ზაფხულამდე გაუგრძელებს და სეზონურ გასამრჯელოს 1.25 მილიონი ევროდან 3.5 მილიონამდე გაუზრდის.
"ახალი" კვარაცხელია - საგოლე პასი ცენტრიდან, მეტი თავისუფლება, ნაკლები დრიბლინგი და შესაძლო პერსპექტივები...
"სხვა ფეხბურთს თამაშობს, სერია A-ს ანათებს" - რას წერს იტალიური მედია "კვარას" შესახებ
![ხვიჩას გარეშე - "ნაპოლიმ" "უდინეზესთან" გამარჯვება ხელიდან გაუშვა [VIDEO]](/pictures/image7/aaaa678c571565c9c1b1215ef61a75dc.jpg "ხვიჩას გარეშე - \"ნაპოლიმ\" \"უდინეზესთან\" გამარჯვება ხელიდან გაუშვა [VIDEO]")
გადახდილი აქვს თუ რა ხდება?:))) რას სიაფანდობს ის იქ? ან ჩვენ აქ რატო განვიხილავთ მის აფერისტობებს? :))) საგიჟეთია:))(