ნიდერლანდურ მედიაში გიორგი მიქაუტაძის "აიაქსში" სავარაუდო გადასვლა აქტიურად შუქდება. Telegraaf-ი წერს, რომ ქართველი გუშინ საღამოს დანიშნულების ადგილზე ჩავიდა, დღეს სამედიცინო შემოწმებას გაივლის და 31 აგვისტოს ევროპა ლიგის საკვალიფიკაციო ეტაპის პლეი-ოფის საპასუხო მატჩს დაესწრება, რომელშიც "აიაქსი" "ლუდოგორეცს" უმასპინძლებს (ბულგარეთში აიაქსმა 4:1 მოიგო).
გამოცემა აღნიშნავს, რომ "აიაქსს" "ატლანტა იუნაიტედის" 22 წლის არგენტინელი შემტევი ნახევარმცველის, ტიაგო ალმადას შეძენა სურდა, მაგრამ ძალიან ძვირი დაუფასეს და ამის შემდეგ გადაერთნენ მიქაუტაძის ტრანსფერზე.
ad.nl-ის ცნობით, "აიაქსი" გიორგის დუშან ტადიჩის მემკვიდრედ განიხილავს და "მეცთან" მოლაპარაკებებს პირადად აწარმოებს ამსტერდამული
"აიაქსი" მზადაა მიქაუტაძეში 15 მილიონი ევრო და 5 მილიონი ბონუსების სახით გადაიხადოს, "მეცი" კი 17+3 მილიონს ითხოვს და ფრანგული პრესის მტკიცებით, კლუბების მიერ შეთანხმების მიღწევა მხოლოდ დროის საკითხია.
მიქაუტაძე ამსტერდამში მიფრინავს და მალე "აიაქსის" ფეხბურთელი გახდება
![დრამა. მიქაუტაძის გოლი - კაცნაკლული "მეცი" "სენტ-ეტიენთან" ფრეს დასჯერდა და ლიგა 2-ში გავარდა [VIDEO]](/pictures/image7/ab952266bea5f34896cda7b566647d81.jpg "დრამა. მიქაუტაძის გოლი - კაცნაკლული \"მეცი\" \"სენტ-ეტიენთან\" ფრეს დასჯერდა და ლიგა 2-ში გავარდა [VIDEO]")
![მიქაუტაძემ გაიტანა - კაცნაკლული "მეცი" "სენტ-ეტიენს" ამარცხებს [VIDEO]](/pictures/image7/0a9ff363dc2a24940656a873ffc7b258.jpg "მიქაუტაძემ გაიტანა - კაცნაკლული \"მეცი\" \"სენტ-ეტიენს\" ამარცხებს [VIDEO]")
