"ნაპოლიმ" გამარჯვებებით დაიწყო, ვიქტორ ოსიმენს ისევ გააქვს, ხვიჩა კვარაცხელია ძველებურად "იქოქება", ჯოვანი დი ლორენცო კვლავ პროდუქტიულია - მოქმედი ჩემპიონი სახიფათოა. რუდი გარსიას გუნდი სანაკრებო პაუზამდე ბოლო მატჩს ჩაატარებს და "სტადიო მარადონაზე" "ლაციოს" უმასპინძლებს - დღეს, 2 სექტემბერს, თბილისის დროით 22:45 საათზე.ამ გუნდებს შორის ფრე ბოლოს 2016 წელს დაფიქსირდა, ამის შემდეგ 13 მატჩიდან კი დედაქალაქელებმა მხოლოდ 3 მოიგეს. გასულ სეზონი ნეაპოლელებმა რომში ხვიჩა კვარაცხელიას გოლის შემდეგ (2:1) გაიმარჯვეს, განმეორებით შეხვედრაში კი მაურიციო სარიმ ყოფილ კლუბს (1:0) აჯობა.
"ლაციოს" ორი წაგება
![Sportall.Ge](/pictures/artimages/original/a1136964b4e8bcec0b6a4b0868829150.jpg "მატჩის დღე! "ფლანგის ჯადოქარი" კვლავ მეორე ტაიმში და რუის სასტარტოში დაბრუნება? - მიქაუტაძეც იწყებს...")
შესაძლოა, რუდი გარსიამ "ფლანგის ჯადოქარი" კვარაცხელია, რომელსაც წინა შეხვედრაში საგოლე პასი ჰქონდა, სასტარტოში კვლავ არ დააყენოს, ამის მიზეზი იმის გარდა, რომ ქართველს გარკვეული დრო გაუცდა, ისიც იქნება, რომ "კვარა" მეორე ტაიმში თამაშს სერიოზულად გააძლიერებს. ხვიჩა ამის შემდეგ თბილისში გამოემგზავრება, სადაც ესპანეთისა და ნორვეგიის ნაკრებებთან დაპირისპირებებისთვის მზადებას დაიწყებს. მეორე ნახევარში ველით ლოსანოს ნაცვლად შეძენილ ლინდსტრომსაც. გამორიცხული არაა, მარიო რუი, ამ სეზონში პირველად, სასტარტოში ვიხილოთ. მთავარი მსაჯი კოლომბო იქნება.
უქმეების მთავარი მატჩები ქართველების მონაწილეობით:
შაბათი, 20:30 სთ - "ალავესი" - "ვალენსია" (მამარდაშვილი);
შაბათი, 18:00 სთ - "ქოვენთრი" - "უოტფორდი" (ჩაკვეტაძე);
შაბათი, 20:30 სთ - "უდინეზე" - "ფროზინონე" (კვერნაძე);
კვირა, 20:30 სთ- "ტორინო" (საზონოვი) - "ჯენოა";
კვირა, 16:30 სთ - 'სიტარდი" - "აიაქსი" (მიქაუტაძე).
![alt](/pictures/image50/638d978e8326849d87f2ff5c2f9fc0e8.jpg "მატჩის დღე! "ფლანგის ჯადოქარი" კვლავ მეორე ტაიმში და რუის სასტარტოში დაბრუნება? - მიქაუტაძეც იწყებს...")
იქნება თუ არა კვარაცხელია "ლაციოსთან" სასტარტოში? - რუდი გარსიამ კითხვაზე უპასუხა
ძირითადშია კვარა.
არავინ დაჩაგრავს დამშვიდდით :დ