სტარტი აიღო აზიის ჩემპიონთა ლიგამ და პირველივე ტურში თავი უზბეკეთის ნამანგანის „ნოვბაჰორის“ თავდამსხმელმა თომა ტაბატაძემ გამოიჩინა.
საუდის არაბეთში "ნოვბაჰორი" "ალ ჰილალს" შეხვდა, რომლის რიგებში რუბენ ნევეშმა, ნეიმარმა, ალეკსანდარ მიტროვიჩმა და მალკომმა ითამაშეს. უზბეკური გუნდი 52-ე წუთზე ტაბატაძემ დააწინაურა. შემდეგ ნეიმარმა მეტოქეს ხელი ჰკრა, მერე წაქცეულს ბურთი განზრახ გაარტყა და ჩხუბი ატყდა. მსაჯმა ბრაზილიელი მხოლოდ ყვითელი ბარათით დასაჯა და მატჩს 14 წუთი დაამატა. სტუმრებს კომპენსირებულ დროში მეორე გოლის გატანაც შეეძლოთ, მაგრამ მეკარესთან პირისპირ გასულმა ჟასურ იახშიბოევმა შანსი ვერ გამოიყენა. 90+10-ე წუთზე კი ანგარიში მცველმა ალი ალ ბუჰაილიმ გაათანაბრა და შეხვედრა 1:1 დასრულდა. ტაბატაძე 83-ე წუთზე შეცვალეს.
აღსანიშნავია, რომ "ალ ჰილალის" განაცხადში ბუნუ, კალიდუ კულიბალი და სერგეი მილინკოვიჩ-სავიჩი ვერ მოხვდნენ.
უზბეკეთის "ნასაფმა" გასვლაზე 1:0 დაამარცხა იორდანიის "ალ ფაიზალი". სტუმართა გუნდში შესვენების შემდეგ შევიდა შეცვლაზე ჯაბა ჯიღაური.
დღეს გიორგი გველესიანის "პერსეპოლისი" რონალდოს "ალ ნასრს" უმასპინძლებს და მთელი ირანის ყურადღება ამ დაპირისპირებისკენაა მიპყრობილი, სადაც პორტუგალიელს მეფური პატივით დახვდნენ. ვაკო ყაზაიშვილის სამხრეთ კორეის "ულსანი" ტაილანდის "პანტუმ იუნაიტედს" მიიღებს.
ნეიმარმა პელეს რეკორდი მოხსნა - ბრაზილიამ ბოლივია გაანადგურა [VIDEO]
![გველესიანის გოლი 90+13-ე წუთზე - ქართველმა "პერსეპოლისს" აზიის ჩემპიონთა ლიგაზე გამარჯვება მოუპოვა [VIDEO]](/pictures/image7/c3f721a13a5333f994ccb8bc157a2750.jpg "გველესიანის გოლი 90+13-ე წუთზე - ქართველმა \"პერსეპოლისს\" აზიის ჩემპიონთა ლიგაზე გამარჯვება მოუპოვა [VIDEO]")
![ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]](/pictures/image7/d6c709ea9eff9593884afc34c3f9ed10.png "ვაკო ყაზაიშვილის გოლი და საგოლე პასი ჩინეთის ჩემპიონატის ბოლო ტურში [VIDEO]")
![გველესიანმა გამარჯვების გოლი ზედ საფინალო სასტვენის წინ გაიტანა [VIDEO]](/pictures/image7/22d26af78ef35c67616f5d2aac645096.jpg "გველესიანმა გამარჯვების გოლი ზედ საფინალო სასტვენის წინ გაიტანა [VIDEO]")
![ვაკოს დუბლი და იშვიათი ამბავი ჩემპიონთა ლიგაზე - მსაჯმა ჯერ ტაიმი დაასრულა, შემდეგ გუნდები ისევ დააბრუნა... [VIDEO]](/pictures/image7/6927ea656037d9afca6e5252851fa865.jpg "ვაკოს დუბლი და იშვიათი ამბავი ჩემპიონთა ლიგაზე - მსაჯმა ჯერ ტაიმი დაასრულა, შემდეგ გუნდები ისევ დააბრუნა... [VIDEO]")
