ევროტურნირების მატჩები ჯერ ახლა დასრულდა, გუნდებს კი უკვე შიდა ჩემპიონატზე გადართვა უწევთ. ასეთ დროს ფიზიკური ძალების აღდგენას, ხასიათზე ყოფნასა და დიდ საკადრო რესურსს დიდი მნიშვნელობა აქვს. ვიმედოვნებთ, ევროპის წამყვან ქვეყნებში მოთამაშე ქართველ ლეგიონერებს უფრო მეტი ნდობა ექნებათ, რაც მათ ნამდვილად სჭირდებათ. ითამაშა კვერნაძემ, ახლა კი იმავეს საზონოვისა და მიქაუტაძისგან ველით...ზედიზედ მესამე გასვლით მატჩს ითამაშებს ხვიჩა კვარაცხელიას "ნაპოლი" - თუკი გენუაში მათ ქულა გადაარჩინეს, ჩემპიონთა ლიგაზე ავტოგოლის დახმარებით გაიმარჯვეს. რუდი გარსიას გუნდს სტაბილურობა აკლია და არაერთ კომპონენტში თამაშის ხარისხის გაუმჯობესება
"ბოლონია" არის გუნდი, რომელსაც "ნაპოლიმ" ისტორიაში ყველაზე მეტი გოლი გაუტანა - 194. იტალიის მოქმედი ჩემპიონები ამის გაგრძელებას აპირებენ. ტიაგო მოტას ბიჭებისთვის ვიქტორ ოსიმენსაც ბევრი გააქვს - 6 მატჩში 5 გოლი. ნიგერიელმა ამაზე მეტჯერ მხოლოდ "სასუოლოს" (6) კარი აიღო. დაველოდოთ, რუდი გარსია რა სასიკეთო ცვლილებებს შემოგვთავაზებს და რამდენი წუთის დათმობას გეგმავს 77-ე ნომრისთვის.
![Sportall.Ge](/pictures/artimages/original/a5069b17c16363588d403df760024cc6.jpg "რა დროის დათმობას აპირებს გარსია ხვიჩასთვის? - "ნაპოლის" ზედიზედ მესამე სტუმრობა და სტაბილურობის სურვილი")
გარსიას გუნდს ჩემპიონატში ზედიზედ ორჯერ არ მოუგია, სამი წარუმატებელი შეხვედრა კი გუნდს ბოლოს 2022 წლის აპრილში ჰქონდა. ბოლონიელები საკუთარ "დალ'არაზე" ძლიერები არიან და უკანასკნელ 9 შეხვედრაში რვაში არ წაუგიათ, რაც საკმაოდ კარგი შედეგია. ორივე გუნდი მიმდინარე სეზონში ერთ-ერთი საუკეთესოა კარში დარტყმების მცდელობებში.
ამ სტადიონზე მაისის შეხვედრაში ნეაპოლელები ორბურთიანი სხვაობით იგებდნენ. მაშინ კვარაცხელია სპალეტიმ მოედნიდან საკმაოდ ადრე გაიყვანა და საბოლოოდ, ქულები დაიკარგა. რაც შეეხება გასული სეზონის პირველი წრის დაპირისპირებას, მაშინ კვარაცხელია-ოსიმენის მშვენიერი კომბინაცია და გოლი ვნახეთ. უხვგოლიან შეხვედრაში ნეაპოლელებმა (3:2) მოიგეს.
მატჩს აუროლდი განსჯის. როცა ბოლოს ის "ნაპოლის" შეხვედრის არბიტრი იყო, მარიო რუი მოედნიდან გააძევა (25 თებერვალს "ემპოლისთან"), 2022 წელს კი სპალეტის გუნდის "უდინეზესთან" დაპირისპირების (3:2) მთავარი მსაჯიც იყო.
![alt](/pictures/image50/f41b59b0d469d3de4b772aa5d3878368.jpg "რა დროის დათმობას აპირებს გარსია ხვიჩასთვის? - "ნაპოლის" ზედიზედ მესამე სტუმრობა და სტაბილურობის სურვილი")
ხვიჩა გაბრაზებულია - როგორ სრულდება მსგავსი ამბები და რა იქნება "ნაპოლიში"? - "კვარას" სეზონის საუკეთესო მატჩი![alt](/pictures/image50/440af70055d7a75806d87d5111b939b5.jpg "რა დროის დათმობას აპირებს გარსია ხვიჩასთვის? - "ნაპოლის" ზედიზედ მესამე სტუმრობა და სტაბილურობის სურვილი")
ფედელე: გარსია "კვარას" განტევების ვაცად იყენებს და ინტელექტის დეფიციტი აქვს
![ხვიჩა შეცვლაზე შევიდა - "ნაპოლიმ" "ჯენოას" სძლია [VIDEO]](/pictures/image7/8823115fa3399d5eb0e970d0eddb43b9.png "ხვიჩა შეცვლაზე შევიდა - \"ნაპოლიმ\" \"ჯენოას\" სძლია [VIDEO]")
