სერია A-ს მეხუთე ტურში, „ბოლონიასა“ და „ნაპოლის“ მატჩი 0:0 დასრულდა.
მატჩი სტუმართა შეტევებით დაიწყო, ოსიმენმა ბურთი ძელს გაარტყა, დამატებაზე კი კვარაცხელიამ ვერ უწია მიზანს. ხვიჩა უფრო უკანდახეულ პოზიციაზე თამაშობდა, დაცვას ხშირად ეხმარებოდა, შეტევაშიც აქტიურობა და ებიშერს ყვითელი ბარათი მიაღებინა. შემდეგ მის დარტყმულ ბურთს მეკარე სკორუპსკი დაეუფლა. მასპინძლები თავს უნარიანად იცავდნენ, მეტოქეს მომენტების შექმნის საშუალებას არ აძლევდნენ და პირველი ტაიმი 0:0 დასრულდა.
მეორე ტაიმი ბოლონიელებმა უკეთ დაიწყეს, კვარაცხელიამ მოწინააღმდეგის სწრაფი კონტრიერიში წესების დარღვევით შეაჩერა და ყვითელი ბარათი მიიღო. მერე „კვარამ“ თამაში გაამწვავა, კარშიც დაარტყა, თუმცა მეკარემ მოიგერია. 70-ე წუთზე „კვარა“ საჯარიმოში შეიჭრა, ოსიმენს გადაცემა გაუკეთა, ბურთი ხელზე მცველს მოხვდა, პენალტი კი ვიქტორმა ვერ გამოიყენა. საპასუხო შეტევისას ზირზკეს გატანა „ნაპოლის“ მეკარე მერეტმა არ დაანება. 76-ე წუთზე ხვიჩა ელმასით შეცვალეს. თუმცა, იმის გათვალისწინებით, რომ ქართველი ურიგოდ არ ირჯებოდა და ნეაპოლელებს გამარჯვების მოპოვება სჭირდებოდათ, გარსიას გადაწყვეტილება უცნაური გახლდათ, მით უმეტეს მალე მოედნიდან ოსიმენიც გაიყვანა. შეცვლაზე შესულმა ფეხბურთელებმა ვერაფრის შეცვლა ვერ მოახერხეს და საბოლოოდ - 0:0.
„ნაპოლიმ“ ზედიზედ მეორე შეხვედრა დაასრულა ფრედ, 8 ქულით მეშვიდე ადგილზეა და 27 სექტემბერს „უდინეზეს“ უმასპინძლებს.
ბოლონია. „რენატო დალ’არა“
ბოლონია - ნაპოლი 0:0
რასპადორი ძირითადში, დაცვის განახლებული დუეტი - რა ცვლილებებს გეგმავს გარსია "ბოლონიასთან"
მოკლედ მთელი ნეაპოლი ერთ ჭკუაზეა - ნახუი გარსია!!!
არანაირი ჯიბრში ჩადგომა არ არსებობს. გვეჩვენება
სხვა საქმეა რომ მარტო ცვლილებები არ უშველის თუ ტაქტიკური გადასხვაფერება არ მოხდა. აქ კი დიდი ჩავარდნაა - გუნდი ფაქტია სწორხაზოვნად თამაშობს. საბოლოო ჯამში კარგი, მოაზროვნე მწვრთნელი უნდა ნაპოლის კლოპი/გვარდიოლას გაქანების თუ წარმატება უნდათ.
გარსიაზე ყველა ვთანხმდებით რომ სუსტია, მაგრამ მწვრთნელის ვალია რომ ცვლილები სცადოს თუ შედეგი არაა, მაგრამ არ გამოდის მაგ კაცს სამწუხაროდ არც ცვლილებები.
სპალეტის გუნდს უკვე ტყობოდა ბოლოში პრობლემები, კარგი მწვრთნელი ჭირდებოდა მათ მოგვარებას და არა ასეთი
გარსიამ რა ქნა ვინმემ აგვიხსნას რა. ვინმე მცოდნემ.