სერია A-ს მეშვიდე ტურში, "ვერონასთან" ფრედ დასრულებული საშინაო მატჩის პირველ ტაიმში, ტრავმა მიიღო "ტორინოს" მცველმა საბა საზონოვმა და აცრემლებულმა დატოვა მოედანი. გუნდის მწვრთნელმა ივან იურიჩმა საზონოვის მდგომარეობის შესახებ toronews-თან გააკეთა კომენტარი:
"დაცვის ხაზში ჩვენს პრობლემებს დასასრული არ უჩანს. საზონოვს კოჭ-წვივის ზევით ჩაარტყეს ფეხში, საავადმყოფოში გადაიყვანეს, სადაც რენტგენი გადაუღეს. ფეხის მოტეხილობას გადაურჩა, მაგრამ შეშუპებული აქვს".
![Sportall.Ge](/pictures/artimages/original/fccf051bfc837c8d15e2f3a3ba47c2c5.jpg "კარგი ამბავი. საბა საზონოვი ფეხის მოტეხვას გადაურჩა - ითამაშებს "იუვენტუსთან"?")
საბამ პირველად დაიწყო "ტორინოს" სასტარტოში თამაში და სამწუხაროდ, დაშავდა, თუმცა იმ დროში, რაც მოედანზე გაატარა, თავი ჩინებულად წარმოაჩინა. დასაწყისი კარგია. მართალია, ტრავმა მიიღო, მაგრამ იმედია, მალე
ჩადგება მწყობრში. რაც მთავარია, ნდობას ამართლებს, ეჭვიც არ გვეპარება, რომ კარგი კარიერა ექნება და საქართველოს ნაკრებსაც დაეხმარება. საერთოდაც, დადებითი პიროვნებაა და ყველასგან პატივისცემას იმსახურებს. მაგალითად, კლუბის პრეზიდენტმა ურბანო კაირომ განაცხადა, რომ საზონოვის თამაში ბოლო ორ შეხვედრაში მოეწონა და მისი 7 ოქტომბერს ტურინულ დერბიში მონაწილეობის იმედი აქვს.
საქართველოს ნაკრების ფეხბურთელმა დადებითი შეფასება დაიმსახურა: 6.9 Sofascore-სგან, 6.8 whoscored-ისგან და 6.7 flashscore-სგან.
![alt](/pictures/image50/45092a9562857a48e6ffea5381d5faa7.jpg "კარგი ამბავი. საბა საზონოვი ფეხის მოტეხვას გადაურჩა - ითამაშებს "იუვენტუსთან"?")
უიღბლობა: საზონოვმა პირველად დაიწყო "ტორინოში" სასტარტოში თამაში და ტრავმა მიიღო
![20 წლის გოგლიჩიძემ "იუვენტუსთან" შესანიშნავად ითამაშა - "ემპოლი" გამარჯვებასთან ახლოს იყო [VIDEO]](/pictures/image7/db34be3bde4e03457b0d4c0325849d28.jpg "20 წლის გოგლიჩიძემ \"იუვენტუსთან\" შესანიშნავად ითამაშა - \"ემპოლი\" გამარჯვებასთან ახლოს იყო [VIDEO]")
