"ნაპოლიმ" ფსიქოლოგიური თვალსაზრისით უმნიშვნელოვანესი მატჩი მოიგო. ვალტერ მაცარის გუნდმა გასული სეზონის საუკეთესო პერიოდის ფრაგმენტები შემოგვთავაზა, როცა ხვიჩა კვარაცხელიასა და ვიქტორ ოსიმენის წყვილი შეუჩერებელი, ერთმანეთთან განსაკუთრებული ენერგიით შეკავშირებული და დამანგრევლად შედეგიანი იყო. ეს უკვე ოპტიმიზმის საბაბს იძლევა. საკმაოდ დიდი ხანია, ცენტრფორვარდისგან ისეთი სილამაზე, ესთეტიკურობა, ფიზიკური მონაცემებისა და ნატიფი ტექნიკურობის შეთავსება არ გვინახავს, როგორც ეს ოსიმენმა გააკეთა...კვარაცხელიას ის მოლოდინი, როცა ძელიდან ასხლეტილი ბურთის ბადეში გახვევას ელოდა, ამაღელვებელი იყო. წამი, რომელშიც ბევრმა რამ გაიელვა - კიდევ ერთი წარუმატებლობა მისთვის არაფრით შეიძლებოდა, ის
"ნაპოლი" იტალიის ჩემპიონატში არადამაჯერებელია, ჩემპიონთა ლიგაზე ჯგუფური ეტაპი დაძლია და ქვეყნის თასზე მერვედფინალიდან ჩაერთვება, სადაც გიორგი კვერნაძის "ფროზინონეს" უმასპინძლებს - დღეს, 19 დეკემბერს, 23:59 საათზე.
თუკი გასულ წელს სკუდეტოს მომლოდინე ნეაპოლელებს თასი ნაკლებად აინტერესებდათ და "კრემონეზესთან" ადრევე დამარცხდნენ, ახლა განსხვავებული ვითარებაა. ხვიჩა კვარაცხელიას გუნდს "კოპა იტალიის" გემოც გასინჯული აქვს.
სერია "ა"-ს ბოლო ტურში ოსიმენისა და კვარაცხელიას გოლებით გამარჯვებამ ("კალიარისთან" 2:1) მოქმედი ჩემპიონების მდგომარეობა ცოტათი გამოასწორა. რაც შეეხებათ ფროზინონელებს, ეუსებიო დი ფრანჩესკოს გუნდი ცხრილის შუაშია. 20 წლის გიორგი კვერნაძეს უკანასკნელ ტურში, დიდხნიანი პაუზის შემდეგ, მხოლოდ ერთი წუთი მიეცა. იმედია, პერსპექტიულ ქართველ შემტევს თასზე მაინც ვნახავთ.
წინ "რომასთან" მატჩია. ამიტომ ვალტერ მაცარი ცვლილებებს მიმართავს და უარი არც ვარსკვლავების დასვენებაზე უნდა თქვას. ჯოვანი სიმეონეს, ალესანდრო ძანოლისა და ჯანლუკა გაეტანოს სასტარტოში მოიაზრებენ. დიდი შანსია, ხვიჩა კვარაცხელია სათადარიგოთა სკამზე იყოს და თამაშში სიტუაციიდან გამომდინარე ჩაერთოს. მწვრთნელმა კარგად უნდა განსაზღვროს, 77-ე ნომრისთვის, რომელმაც ხასიათი გამოისწორა, ახლა უმჯობესი რა იქნება. წყვილში გამარჯვებული მეოთხედფინალში "იუვენტუსი"-"სალერნიტანას" შორის საუკეთესოს შეხვდება.
"ნაპოლის" სავარაუდო შემადგენლობა: გოლინი - დი ლორენცო (C), ოსტიგორი, ჟესუსი, ძანოლი - გაეტანო, კაიუსტე - ლინდსტრომი, რასპადორი, ძერბინი - სიმეონე.
ხვიჩამ გაიტანა და "ნაპოლიმ" "კალიარის" რთული მატჩი მოუგო [VIDEO]
კასანო: კვარაცხელია მსოფლიოს საუკეთესო მარცხენა გარემარბია
ჩემს კომენტარებში ვერც ერთ ბინძურ სიტყვას ვერ ნახავთ. არც არავის ვაგინებ. არც გვარს ვასახელებ. უბრალოდ ვწერ, რომ არაკეთილსინდისიერ აგენტს სანქციების თანახმად ევროპაში მოღვაწეობა უნდა აეკრძალოს.
რა არის ამაში ისეთი, რაც ნორმალურ ადამიანს არ მოეწონება?
ვინ ითხოვს ჩემი კომენტარების დაბლოკვას? მხოლოდ არაკეთილსინდისიერი აგენტის მიერ დაქირავებული ბოტები.
ნეტავ, ხვიჩას სულ ასეთი გოლები გაიტანოს, თქვენ რომ გაუმართლაო და კინაღამ ვერ გაიტანაო, რომ გაიძახით. " შტანგა-გოლები" თითქმის აუღებელია, მითუმეტეს ასეთი ყუმბარასავით გასროლილი, როგორც ახლა იყო. მე პირადად ძალიან გამიხარდება, თქვენ კი რაც გინდათ, ის წერეთ
მე პირადად ძალიან მომწონს შტანგა გოლები.
საერთოდაც ხვიჩას ძალიან მგრძნობიარე ფსიქიკა აქვს, ამაზე ჭირდება ყველაზე მეტად მუშაობა, თორემ დანარჩენი ყველაფერი აქვს.