სტუმართა გუნდის თავდამსხმელმა გიორგი მიქაუტაძემ, რომელიც გავრცელებული ინფორმაციის თანახმად, იჯარით „მეცში“ ბრუნდება, თუმცა ჯერ გადაწყვეტილი არაფერია, სასტარტოში იყო და შეუცვლელად ითამაშა.
უპირატესობას ამსტერდამელები ფლობდნენ, მაგრამ კონტრიერიშზე მასპინძლებმა პიტერსის გოლით დაწინაურება მოახერხეს. „აიაქსი“ განუწყვეტლივ უტევდა. მიქაუტაძემ 64-ე წუთზე აკპომი მეკარესთან პირისპირ გაიყვანა, რომელმაც ვერ გაიტანა. სამაგიეროდ, პიტერსმა მალე დუბლი შეასრულა. შემდეგ უტრეხტელებმა ორი კარგი შანსი ვერ გამოიყენეს, ბრობიმ კი ანგარიში შეამცირა, მიქაუტაძის დარტყმული ბურთი მეკარემ მოიგერია, აკპომმა ანგარიში გაათანაბრა, ხოლო კომპენსირებულ დროში დედაქალაქელთა დაცვა ისევ ჩავარდა, გოლი გაუშვეს, დამარცხდნენ და გათამაშებას გამოითიშნენ.
უტრეხტი. „გალვენვარდი“
ჰერკულესი - აიაქსი 3:2
გოლები: 1:0 პიტერსი (17), 2:0 პიტერსი (66), 2:1 ბრობი (84), 2:2 აკპომი (89), 3:2 გროტენბერგი (90+4)
"მიქაუტაძემ ახალ გუნდში სამედიცინო შემოწმება გაიარა" - ფრანგული გამოცემის ექსკლუზიური ინფორმაცია
![მიქაუტაძის გამოუყენებელი მომენტები და "ლიონის" საოცარი ქამბექი [VIDEO]](/pictures/image7/ab88c3211c808c594f5db01052de8396.jpg "მიქაუტაძის გამოუყენებელი მომენტები და \"ლიონის\" საოცარი ქამბექი [VIDEO]")
