მასპინძელთა გუნდში „აიაქსიდან“ იჯარით დაბრუნებული გიორგი მიქაუტაძე მწვრთნელმა ლასლო ბოლონიმ შეუცვლელად ათამაშა. ის ურიგოდ ნამდვილად არ გაისარჯა, განსაკუთრებით მეორე ტაიმში, მაგრამ გოლის გატანა ვერ შეძლო.
ორივე გუნდი ლიგა 1-ში ადგილის შენარჩუნებისთვის იბრძვის, მატჩი დაძაბული და საინტერესო გამოვიდა. პირველ ტაიმში სტუმრები ვენსან სერომ თავის მიერვე მოპოვებული პენალტით დააწინაურა. შესვენების შემდეგ მასპინძლები გააქტიურდნენ, თუმცა მსაჯმა ბოლო იმედის ჯარიმის გამო მათი მცველი კრისტოფ ერელი გააძევა. კაცნაკლულმა „მეცმა“ შეტევები გააგრძელა, ისმაელ ტრაორემ თავით ბურთი ხარიხას გაარტყა, ხოლო დამატებაზე მიქაუტაძეს გატანა მეკარემ არ დაანება. გიორგი ბევრს მოძრაობდა, დაცვასაც ეხმარებოდა და სწრაფი კონტრიერიშისას უორენ კამანსის ყვითელი ბარათი მიაღებინა. ბოლოს "მეტცი" შტურმზე გადავიდა, რამაც შედეგი ვერ გამოიღო და მარცხი განიცადა.
„მეცი“ 16 ქულით მეთექვსმეტე ადგილზეა და 27 იანვარს გასვლაზე „ნიცას“ დაუპირისპირდება.
მეცი. „სენ-სიმფორიენი“
მეცი - ტულუზა 0:1
გოლი: სერო (12, პენ)
გაძევება: ერელი (72, მეცი)
ბოლონი: მატჩის ბედს მხოლოდ მიქაუტაძე ვერ გადაწყვეტს
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
![დავითაშვილი "სენტ ეტიენიდან" საუკეთესო იყო - "რონის დერბიში" მიქაუტაძის "ლიონმა" გაიმარჯვა [VIDEO]](/pictures/image7/3648f8518e853edeb3f5ff0d4405d123.jpg "დავითაშვილი \"სენტ ეტიენიდან\" საუკეთესო იყო - \"რონის დერბიში\" მიქაუტაძის \"ლიონმა\" გაიმარჯვა [VIDEO]")
