ლა ლიგის 21-ე ტურში „ვალენსიამ“ სახლში მესამეადგილოსან „ბილბაოს“ 1:0 სძლია.
პირველ ტაიმში თანაბარი თამაში იყო, ორჯერ ნ.ვილიამსს მიეცა შანსი, მაგრამ ბურთი კარგად ვერ დაარტყა და მამარდაშვილი დაეუფლა. მეორე ტაიმში სტუმრები უფრო გააქტიურდნენ, სანსეტმა ხელსაყრელი პოზიციიდან ვერ უწია მიზანს. შემდეგ დურომ სამი მეტრიდან ააცილა ბურთი კარს, ცოტა ხანში კი მანვე თავურით დალაშქრა უნაი სიმონის კარი. აქედან მოყოლებული ბასკები შეტევაზე გადავიდნენ, შეცვლაზე შესულმა გომესმა ახლოდან დაარტყა ბურთი, თუმცა მოწოდების სიმაღლეზე აღმოჩნდა ქართველი მეკარე, რომელიც გამოსვლებზეც დამაჯერებელი იყო. ერთი სიტყვით, "ღამურებმა" პრიმერაზე "ბილბაოს" 2019 წლის მერე პირველად მოუგო და სატურნირო ცხრილში წინ წაიწია.
„ვალენსიამ“ ჩემპიონატზე ზედიზედ მეოთხე გამარჯვება მოიპოვა, ბოლო ხუთ მატჩში დაუმარცხებელია, 32 ქულით მეშვიდე ადგილზეა და 29 იანვარს მადრიდში „ატლეტიკოს“ დაუპირისპირდება.
ვალენსია. „მესტალია“. 45 344 მაყურებელი
ვალენსია - ბილბაო 1:0
გოლი: დურო (61)
დომენეკს სამი გაუტანეს - "ვალენსია" თასიდან გამოვარდა
მაგრამ ვალენსიას თამაშის ყურება არის საშინელება. ასეთი უსახური გუნდი ალბათ ძნელი საპოვნელია.გიორგი ამ სეზონის ბოლოს უკვე მზად იქნება ნებისმიერ უკეთეს კლუბში სათამაშოდ.
წარმატებები.
მოკლედ, ამ კაცს შესაბამისი ყურადღება სჭირდება..