ლიგა 1-ის 22-ე ტურში „მეცი“ გასვლაზე უშუალო კონკურენტ „მონპელიესთან“ 0:3 დამარცხდა.
მატჩი ძალიან საინტერესო გამოდგა, მასპინძლებმა თავიდანვე შეუტიეს და სილამ დააწინაურა. შემდეგ სწრაფი კონტრიერიშისას სტუმართა გუნდის თავდამსხმელი მიქაუტაძე მეკარესთან პირისპირ გავიდა, მაგრამ დაახანა, ნახევარმცველმა შოტარმა ჩაუსწრო და მისი დარტყმული ბურთი დაბლოკა. არადა, უნდა გაეტანა. გიორგი აქტიურობდა, შესვენებამდე კიდევ სამჯერ სცადა მეტოქის კარის დალაშქვრას, თუმცა მიზანს ვერ უწია.
მეორე ტაიმის დასაწყისში „მონპელიემ“ ანგარიში გაზარდა, „მეცმა“ იერიშებით უპასუხა და ქართველის დარტყმული ბურთი მეკარე ლეკომტმა მოიგერია. კიდევ ერთი შანსი მიეცა ჩვენებურს, ისევ სცადა
გატანა, მცველმა დაუბლოკა დარტყმული, თუმცა თამაშგარე დაფიქსირდა. მერე მასპინძლებმა ოკიჯას პენალტი გაუტანეს და დამაჯერებელი გამარჯვება მოიპოვეს.
მიქაუტაძის თამაში ანალიტიკურმა საიტებმა შეაფასეს: sofascore 7.2, flashscore 6.9, whoscored 6.5.
„მეცი“ 17 ქულით ბოლოსწინა, მე-17 ადგილზეა და 24 თებერვალს „ლიონს“ უმასპინძლებს.
მონპელიე - მეცი 3:0
გოლები: 1:0 სილა (4), 2:0 სანიანი (50), 3:0 სავანიე (86, პენ)
მიქაუტაძემ გატუზოს გუნდი კაცნაკლული დატოვა - "მეცმა" რვამატჩიანი წაგებათა სერია შეწყვიტა [VIDEO]
![მიქაუტაძემ ნავსი გატეხა. ქართველმა დუბლი შეასრულა - "ლიონი" "ოსერთან" ფრეს დასჯერდა [VIDEO]](/pictures/image7/ece1104dc4fc2b0d4f6e81aab5e8be14.jpg "მიქაუტაძემ ნავსი გატეხა. ქართველმა დუბლი შეასრულა - \"ლიონი\" \"ოსერთან\" ფრეს დასჯერდა [VIDEO]")
![მიქაუტაძემ "ოსერთან" უკვე დუბლი შეასრულა! [VIDEO]](/pictures/image7/75380132a5326e727b9f18c374ca0e60.jpg "მიქაუტაძემ \"ოსერთან\" უკვე დუბლი შეასრულა! [VIDEO]")
![მიქაუტაძემ ლიონში პირველი გოლი გაიტანა! [VIDEO]](/pictures/image7/96b60c1853c46e56a6d4d0012de212dd.jpg "მიქაუტაძემ ლიონში პირველი გოლი გაიტანა! [VIDEO]")
