სერია A-ს 25-ე ტურში „ტორინო“ გასვლაზე „რომასთან“ 2:3 დამარცხდა.
პაულო დიბალამ ჰეთ-თრიკი შეასრულა - „რომაში“ პირველად. არგენტინელმა მიმდინარე ტურნირზე 18 მატჩში 11 გოლი (6 პენალტით) გაიტანა და 6 საგოლე გადაცემა გააკეთა. ჩემპიონატზე მის ანგარიშზე 121 გოლია.
რომაულმა გუნდმა მოურინიოს გადაყენების შემდეგ 6-დან 5 შეხვედრაში გამარჯვება მოიპოვა (მხოლოდ "ინტერთან" წააგო) და 44 ქულით მეოთხე ადგილზე დამკვიდრდა.
სტუმართა გუნდის ცენტრალური მცველი საბა საზონოვი ტრავმირებული მატეო ლოვატოს ნაცვლად მე-14 წუთზე შევიდა შეცვლაზე, 42-ე წუთზე სერდარ აზმუნი საკუთარ საჯარიმოში წააქცია და დიბალამ თერთმეტმეტრიანით თავისი გუნდი დააწინაურა. საზონოვის თამაში ანალიტიკურმა საიტებმა შეაფასეს: whoscored 6.1, sofascore 6.0, flashscore 5.7.
„ტორინომ“ ზედიზედ მეორე მარცხი განიცადა, 36 ქულით მეათე ადგილზეა და 2 მარტს „ფიორენტინას“ უმასპინძლებს.
რომი. „ოლიმპიკო“
რომა - ტორინო 3:2
გოლები: 1:0 დიბალა (42, პენ), 1:1 საპატა (44), 2:1 დიბალა (57), 3:1 დიბალა (69), 3:2 ჰეისენი (88, საკ. კარში)
სათადარიგო საზონოვი და "ტორინოს" შეწყვეტილი წაუგებელი სერია
![მატჩი 72-ე წუთიდან გაგრძელდა - "რომამ" "უდინეზეს" მოუგო [VIDEO]](/pictures/image7/335bbd794685894fa36d25e979efee5c.jpeg "მატჩი 72-ე წუთიდან გაგრძელდა - \"რომამ\" \"უდინეზეს\" მოუგო [VIDEO]")
![ევროპა ლიგა. 1/4-ფინალი: "ატალანტამ" "ლივერპული" გამოაგდო, "რომამ" მილანი" - "ბაიერი" და "მარსელიც" გავიდნენ [VIDEO]](/pictures/image7/15f2a4560209ca612ad928d55522900c.jpg "ევროპა ლიგა. 1/4-ფინალი: \"ატალანტამ\" \"ლივერპული\" გამოაგდო, \"რომამ\" მილანი\" - \"ბაიერი\" და \"მარსელიც\" გავიდნენ [VIDEO]")
