ლიგა 1-ის 24-ე ტურში „მეცმა“ გასვლაზე „ნანტს“ 2:0 სძლია.
მასპინძლები მცირე უპირატესობას ფლობდნენ, პირველ ტაიმში კი ყველაზე სახიფათო მომენტი სტუმრებმა შექმნეს, მაგრამ ლამკელ ზეს დარტყმული ბურთი ძელს მოხვდა. ორივე გუნდი ფრთხილობდა და თამაში თვალსასეირო არ გახლდათ.
შესვენების შემდეგ „მეცი“ გააქტიურდა: ჟან ჟაკმა და უდოლმა ვერ გაიტანეს, სამაგიეროდ გაიტანა გიორგი მიქაუტაძემ, რომელმაც პენალტით ანგარიში გახსნა, ხოლო ცოტა ხანში ქართველის პასით უდოლმა ლამაზი თავურით დალაშქრა ლიაფონის კარი და ბოლონის გუნდმა გაიმარჯვა.
მიქაუტაძემ ზედიზედ მეორე მატჩში გაიტანა და ანალიტიკურმა
საიტებმა მატჩის საუკეთესო ფეხბურთელად დაასახელეს: whoscored 8.2, sofascore 8.0, flashscore 7.7.
„მეცმა“ ნოემბრის შემდეგ პირველი გამარჯვება მოიპოვა, 20 ქულით ბოლოსწინა, მე-17 ადგილზეა და 10 მარტს „კლერმონს“ უმასპინძლებს.
ნანტი. „ბოჟუარი“
ნანტი - მეცი 0:2
გოლები: 0:1 მიქაუტაძე (58, პენ), 0:2 უდოლი (60)
როგორი შეფასება მიიღო მიქაუტაძემ "ლიონთან" მატჩში
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
![დავითაშვილი "სენტ ეტიენიდან" საუკეთესო იყო - "რონის დერბიში" მიქაუტაძის "ლიონმა" გაიმარჯვა [VIDEO]](/pictures/image7/3648f8518e853edeb3f5ff0d4405d123.jpg "დავითაშვილი \"სენტ ეტიენიდან\" საუკეთესო იყო - \"რონის დერბიში\" მიქაუტაძის \"ლიონმა\" გაიმარჯვა [VIDEO]")
