მიქაუტაძის გოლი, საგოლე პასი და საუკეთესო შეფასებები - "მეცმა" როგორც იქნა გაიმარჯვა [VIDEO]

AutoSharing Option
ლიგა 1-ის 24-ე ტურში „მეცმა“ გასვლაზე „ნანტს“ 2:0 სძლია.

მასპინძლები მცირე უპირატესობას ფლობდნენ, პირველ ტაიმში კი ყველაზე სახიფათო მომენტი სტუმრებმა შექმნეს, მაგრამ ლამკელ ზეს დარტყმული ბურთი ძელს მოხვდა. ორივე გუნდი ფრთხილობდა და თამაში თვალსასეირო არ გახლდათ.

შესვენების შემდეგ „მეცი“ გააქტიურდა: ჟან ჟაკმა და უდოლმა ვერ გაიტანეს, სამაგიეროდ გაიტანა გიორგი მიქაუტაძემ, რომელმაც პენალტით ანგარიში გახსნა, ხოლო ცოტა ხანში ქართველის პასით უდოლმა ლამაზი თავურით დალაშქრა ლიაფონის კარი და ბოლონის გუნდმა გაიმარჯვა.

მიქაუტაძემ ზედიზედ მეორე მატჩში გაიტანა და ანალიტიკურმა
საიტებმა მატჩის საუკეთესო ფეხბურთელად დაასახელეს: whoscored 8.2, sofascore 8.0, flashscore 7.7.

„მეცმა“ ნოემბრის შემდეგ პირველი გამარჯვება მოიპოვა, 20 ქულით ბოლოსწინა, მე-17 ადგილზეა და 10 მარტს „კლერმონს“ უმასპინძლებს.

ნანტი. „ბოჟუარი“
ნანტი - მეცი 0:2
გოლები: 0:1 მიქაუტაძე (58, პენ), 0:2 უდოლი (60)

მკითხველის კომენტარები / 5 /
ზედიზედ მეორე თამაშში გოლი და პლიუს ორი ასისტი რაც დაბრუნდა მოკითხვა აიაქსს,,სასიხარულოა რო მარტს ასე თუ ისე კარგ კონდიციებში ხვდებიან ჩვენი ბიჭები
gel-100
20:20 03-03-2024
0
ნაგავი აიაქსი სკდება გულზე. შეუბერე გიოოოოოოოოოოოოოოო
საბურთალო
20:34 03-03-2024
2

სიახლეები პოპულარული